Palakasan sa recruitment wagtangon

Gusto sa retiradong heneral nga si Guillermo Eleazar magpapili pagka Senador sa nasud sa Pilipinas nga mawagtang sa hingpit ang palakasan sa pagdawat og mga sakop sa puwersa sa kapolisan tungod kay mao kini ang hinungdan nga wala mahatagi og kahigayonan ang mga labing kuwalipikado sa pagka polis.

Gisaysay ni Heneral Eleazar nga basi sa iyang kasinatian, daghan ang gusto nga magpolis ug sa ilang kadaghan kun itandi sa gikinahanglan nga polis ang uban kanila mohimo na lamang og mga pamaagi nga wala masubay sa katarong sama sa pagsuborno ug palakasan.

Sakto ang heneral. Sa pagkatinuod ang palakasan ug suborno mao ang tinubdan sa graft and corruption. Mao usab kini ang tinubdan sa mga badlongon nga sakop sa kapolisan. Kon ugaling mawagtang ang palakasan ug suborno sa pagdawat ug mga aplikante sa pagkapolis hayan ma limpyohan na ang organisasyon sa kapolisan ug sa dili madugay mabalik na ang pagsalig sa katawhan ngadto sa atong kapolisan.

Si Heneral Guillermo Eleazar nabantog sa iyang pagka disiplinado ug sa iyang dakong gugma sa iyang profession. Busa atong masabot nga dili lisod para kaniya ang pagpanday ug mga balaodnon kon ugaling mapili pag ka senador nga makapalig-on ug makapataas sa dignidad ug respeto sa katawhan ngadto sa kapolisan.

Kon ugaling mapili nga senador siya unya ang ikatulong heneral sa kapolisan nga nahimong senador sunod nila ni Heneral Panfilo Lacson ug Heneral Ronald Bato Dela Rosa. Sa duha ka heneral nga napili ka senador mas maayo ug agi si Ping Lacson kon ikumparar ni Heneral bato dela Rosa unfortunately mo retiro na o mahuman na ang termino ni Ping Lacson.

Busa mas maayo nga dunay mo hulip ka niya nga posible nga mo labaw pa sa performance sa iyang hulipan. Pero ang pag senador ni General Guillermo Eleazar magdepende sa mga kamot sa botante nga maoy mo hukom pag abot sa Mayo 9 nga eleksyon.