^

Banat Opinyon

Mag e-bike nalang ta!

LABTIK - Alan P. Domingo - Banat

Bisan ka pila pa mopatuman og one-time bigtime oil price hike ang mga kompanya sa lana wala na gyud tay mahimo kon dili utongon nalang kay anaa ra man sa ilang palad nakadepende karon ang atong kapalaran kay wala pa man sila mabalik sa kontrol sa kagamhanan.

Busa mag-iyahay nalang ta ani pagpangita og pamaagi nga makaagwanta o makasugakod sa epekto sa krisis sa lana karon, apan aniay laing matang sa transportasyon nga dili gyud maapektohan sa oil price hike mao ang electricity powered vehicle.

Bisan moabot pa seguro og P200 matag litro ang presyo sa petroleum products dili gyud maka-relate ang mg e-bikers, gawas lang kong mosaka ang singil sa kuryente diin sila nagsalig sa pag charge sa battery sa ilang mga e-bike.

Gibisita nako ang usa ka dealer sa e-bike sa dakbayan sa Sugbo diin kompirmado nga misaka ang demand sa ilang produkto ug daghan gani ang nagpa reserve nga nagpasabot nga daghan mga tawo ang gustong mobalhin sa naasoy’ng mode of transportation.

Tungod kay nisaka man ang demand, nisaka usab ang presyo nga kanhi tag P58 mil ra, karon tag P60 mil na depende usab sa klase sa e-bike, gani aduna may moabot sa dol-an sien mil pesos.

Ang paggamit sa electricity-powered mobile transport ang gidasig karon sa kagamhanan kay gawas nga makalikay sa taas nga presyo sa gasolina makatabang pa usab sa pagpreserbar sa kalikopan, matod pa ni Konsehal Joel Garganera, ang chairman sa Committee on Environment sa dakbayan sa Sugbo.

Busa panahon na seguro nga luagan gamay sa atong gobiyerno ang pagtugot sa mga tawo sa pag gamit sa e-bike isip mode of transportation kay sa pagkakaron dili man pwede nga moagi sa highway, daghang kuti ang proseso nga agian.

Kon natugotan ang mga biseklita nga de pedal nga moagi sa mga dagkong karsada, nganong dili man makonsider ang mga e-bike ilabi na kong mao kiniy gamiton nga sakyanan padulonng sa trabahoan? Gitugotan man gani ang scooter ang e-bike na ba hinuon.

Bitaw gamit kaayo kini karon sama nalang sa grupo sa mga e-bikers nga akong nahimamat sa Pahina Central nga nanawagan nga hatagan unta sila og rota aron dili na sila magpanghadlok nga madakpan pa.

Hinuon gikinahanglan pa nga tun-an sa mga opisyal ang tanang nga proseso kong makaayo kini o dili apan sa pagkakaron mas maayong hatagan og konsiderasyon ang ilang gipangayo.

OIL PRICE HIKE

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with