^

Banat Opinyon

Mind-conditioning ang survey

BALITAHOM - Atty. Jose Marie N. Poblete - Banat

Gikasagmuyô sa kampo nila ni Senador Lacson ang giingon nga “mind-conditioning” nga nahimo sa mga pre-election surveys. Nakapangutana usab sila sa kamatinud-anon sa maong mga survey tungod kay alang kanila, lahi kini sa ilang nabatyagan sa ilang pagpangampanya. Dili angay igsapayan sa mga kandidato ang resulta sa survey. Ginaingon bitaw nga kon apektado ka sa survey, dili ka matuod nga lider kon dili usa lamang ikaw ka sumosunod.  Tambag sa akong amigo sa mga nangiwit sa survey, “Ayaw kabalaka niana’ng survey.  Apan kon nabalaka gyud ka, ayaw lang pahalatâ”.  Madahaaan!

Pagsakmit sa bahandi

Giaprobahan na sa Committee on Energy sa Kongreso ang usa ka balaodnon nga mag-amendar sa R.A. 8479 kon ang “Downstream Oil Industry Deregulation Act of 1998” nunot sa katuyoan pagsagang sa epekto sa padayon’g pagsaka sa presyo sa lana.  Mahinumduman nga ang Oil Deregulation Law gitumong unta sa pag-stabilize sa presyo sa lana ug pagdasig sa kompetistyon.  Apan inay mag-kompetensiya, morag nagsabot-sabot ra man ang mga mamaligyaay.  Husto ang panahom nga “Ang pag-deregulate sa enerhiya (gasolina) maoy labing dakong paagi pagsakmit og bahandi sa tibouk kasaysayan”. May’pag moligeed!

Modakô usab ang baso

Matud pa ni Planning Secretary Karl Chua, padayon ang paglambo sa ekonomiya sa Pilipinas paingon sa pre-pandemic levels karong tuiga bisan luyo sa nagpadayon nga gubat tali sa Ukraine ug Russia. Duha ka matang ang atong ekonomiya: ekonomiya sa mga adunahan ug ekonomiya sa mga kabus nga maoy labing daghan.  Ang saad nga kon mapuno na ang baso, mo-awas kini ug modagayday ngadto sa mga kabus, wala pa gayud mahitabo kay inig ka puno sa baso, milagro nga mokalit usab kini ug ka-dako mao nga wala gyu’y moawas ug maambitan ang mga kabus. Fezteleern!

Free multicab promo

Namahayag ang pangulo sa Independent Petroleum Companies Association nga si Dr. Fernando Martinez nga adunay puruhan nga mokunhod ang presyo sa gasolina bale ug 2 ngadto sa 3 pesos matag litro sa sunod nga semana.  Walay gipadayag nga rason ngano nga mokunhod ang presyo ug kon ngano nga sa sunod semana pa kunhuran.  Konsensya ba kaha o ang naghinobra’ng ginansya maoy nagtukmod sa mga negosyante nga mopakunhod og diyotay sa presyo sa gasolina?  Ni’ng padayon pagsaka sa presyo sa gasolina, mahimo na’ng mag-promo ang mga gas station nga “Free multicab matag full tank nga patubil”.  Pagkatoytoy!

Biktima sa tikas

Taliwala sa isyu mahitungod sa transparency, gipabuksan sa COMELEC ang ganghaan sa National Printing Office aron mapakita sa mga stakeholders ang proseso pagprinta sa mga balota isip kalihukan sa transparency campaign nga gipasiugdahan sa COMELEC.  Kon kasaysayan maoy basehan, bisan unsa pa ang buhaton sa COMELEC, daghan gihapon ang reklamo nga masinati.  Dili sa pagprinta sa balota kon dili sa pag-ihap niini masuta kon unsa ka matinud-anon ang pililiay.  Walay kandidato nga napilde, hinonoa, mangangkon kanunay nga siya gitikasan.  Saoonz!

PANFILO LACSON

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with