Makapagawas ba sa kamatuoran ang mga survey?

Matag eleksiyon, dinhi sa atong nasud, manggawas dayon ang nagkadaiyang mga survey - legitimate or fly-by-night. Ania ra kanatong mga botante ang moila  mo-determine which one ang kasaligan.

Sa iyang column sa Philippine Star pinitsahan og August 15, 2011 (dugay na kaayo,no?) giulohan og “Determining truth by surveys,” si Jose Sison nangutana: “Can we use opinion polls in determining what is right or wrong, what good or bad, or what is lawful or unlawful?

Certainly, ang iyang tubag,’ definitly not.’ Ikaw, unsa may imong tubag? Imo kining katungod kon unsa man ang imong tubag, ilabina na kon nakadesider ka na kinsa ang imong botohn karong Mayo 9, basi sa survey.

Katuhoan ba o dili, o makapagawas ba sa kamatuoran ang mga survey, ang makatubag niini mao ang resulta unya sa botasyon sa Mayo 9. In the meantime, lingaw-lingawon lang una nato ang atong kaugalingon pnaagi sa pagbasa og pagpaminaw sa resulta sa mga survey.

* * *

Nangukay ko sa daan nakong mga clippings, ug nakadani sa akong pagtagad kining usa ka article giulohan og “Cleaning can save lives.”

Maora’g sa 2011 pa man tingali kini, apan, di ba mao kini karon ang giawhag – among others, ang pagpanglimpiyo pagbatok sa COVID-19?

Nigawas kini sa mga mantalaan atol sa pag-observe sa ‘Philippine Spring Cleaning Day.’  Sige pa ba kini karon?

Ania: “Did you know that in developing countries such as the Philippine, 80% of all diseases are the result of a combination of poor hygiene, contaminated water, and poor sanitation?”

Hinuktoki kuno kini makadiyot, kon aduna bay pagkatinuod. Sa atong mga panimalay, unsa man ka-limpiyo o ka-hugaw ang atong kusina, ang atong tugkaran ug ang tibuok palibot, ang pansayan, wala ba magpasad ang basura, ang tubig wala ba ma-cont aminated, ang atong mga merkado, unsa ka limpiyo? etc., etc., etc.

Ug sa mga bata, si Dr. Lester Deniega, presidente sa  Pediatric Infectious Disease Society of the Philippines, nagkanayon: “Lack of effective sanitation and poor hygiene practices are responsible for almost 3.5 million deaths of children every year.” Ngilngiga no? So, manglimpiyo, manghindik ta uy!

* * *

Niining panahon sa kabag-ohan, ang atong mga modern women, ang atong kababayen-an, mimatuod nga ang pagpanigarilyo dili alang lamang sa kalalaken-an, kundili, kaya usab kini sa mga bababye. I don’t know what are they trying to prove here.

Anyway, aniay mga pagtuon nga kono, “women smokers have more heart risk than men.” Perhaps mao tingali kini ang buot nilang i-prove nga dili tinuod ang maong pagtuon. Ang uban niining maong mga women smokers,  ila lang ning kinopya, sinunod sa mga movies nga ilang nakita, diin maoy ilang hunahuna nga cute kaayo sila kon magbuhos na sa aso sa sigarilyo.

Napatik kini sa Lancet medical journal sa America, diin matud pa, “after reviewing data on 2.4 million people (dili ni pareho sa atong mga survey dinhi nga usahay 1,400 ra ang mga respondents).

and 44,000 cardiac events, the articles’ authors found female smokers have a 25% greater risk than males who smoke cigarettes.”

There you are. Ayaw lang mo’g tuo ini.