^

Banat Opinyon

Thank you, Mayor Mike

JAV BANATI - Javier Yntig Tapulado - Banat

Dihang opisyal nang milingkod si Mayor Mike Rama isip amahan sa siyudad sa Sugbo puli sa mitaliwan nga buotang Mayor Edgar C. Labella, naningkamot siyang makapakita gilayon og maayong labok sa pagpangalagad nga makapahimuot sa katawhan.

Sama pananglit sa iyang pagpatangtang sa tanang brandilyas sa tungatunga sa kadalanan. Diin, wala kini makahatag og kaluag sa karsada. Kondili, nakapaalimuot pagsamot sa mga nawong nga nanagmug-ot!

Panahon sa kangitngit, delikado ang maong dapit. Bisan sa kaadlawon, diin diyotay rang behikulo ang nanagdagan. Hinungdan, nga gihangop sa mga motorista ug biyahedor ang maong kamandoan ni Mayor Mike. Nakalugak kini sa kahuot sa trapiko. Ug sa dughan nakapagaan.

Paghurementado sa bagyong Odette, dili lang mga dagkong punoan sa kahoy ang nangatumba sa kadalanan. Ultimong mga red flex post o mga bike lane barriers gihasmagan, nangabali ug nangapukan.

Mga dump truck nga mihipos sa mga nagbitay’ng sanga sa kahoy ug nagkadaiyang sagbot nga naglaundok sa kadalanan, maglisod intawon pagsulod paingon sa daplin tungod sa mga nahabiling red flex posts nga miangkon og dakodakong bahin sa karsada. Resulta?

Natanggong og dugay ang taas nga laray sa mga sakyanan nga miagi sa dalan M. Velez, Banawa, Cebu City kay napugos na man lang pagbabag ang government’s dump truck sa tunga aron maputol ang mga nagdunghayng sanga nga mikabyon sa nangalaylay nang mga wire sa kuriyente niadtong panahon sa road cleaning and clearing operations.

Dinhi milutaw pag-ayo unsa ang kahasol nga nahatag sa mga walay pulos nga red flex posts nga gigastohan og minilyong salapi sa kagamhanan. Kini walay labot sa kakuyaw nga giatubang sa mga lumolupyo, motorista ug pedestrians nga namugna niining nahisgotang bike lane barriers.

Sukad pa sa sinugdanan, wala kini ikahimuot sa katawhan. Panahon pa ni Labella nga sila nanawagan: ‘nga ipaibot kining proyektoha nga wala gyoy gikahatag nga kaayohan alang sa tanan.’ Hasta mainstream ug social media miapil sa maong pangilaba, diin dihang si Mayor Mike na ang milingkod sa city hall, sa pagsulat niini, wala nay bike lane barriers nga makita sa kadalanan sa V. Rama ug M. Velez.

Gikalipay kini sa katawhan.

Nakapahayahay sa kanhi nagpuot nilang pagbati. Good job, Mayor Mike! Thank you, ha?

MIKE RAMA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with