^

Banat Opinyon

Dili paliton sa laing nasud

BALITAHOM - Atty. Jose Marie N. Poblete - Banat

Matud pa ni presidential aspirant Bongbong Marcos, kinahanglan’g ayohon ang sektor sa agrikultura ug turismo sa nasud aron matubag ang kakulang sa pagkaon ug makunhoran ang importasyon sa pagkaon gikan sa laing nasud. Labaw man tingale’ng nagkinahanglan sa pag-ayom-ayom ang kagamhanan mismo.  Sa atong nabatyagan karon, ang solusyon sa kagamhanan sa mga suliran, sama ra usab ka-laksot sa suliran nga buot sulbaron.  Apan may punto ang kanhi senador nga angayan undangon ang importasyon kay ginaingon man nga, “Ang maayong pangagamhanan ug kabag-ohan dili mahimo’ng paliton sa laing nasud.”  Hala no!

Gukod sa kalambuan

Makapahimulos na usab ang publiko sa libreng sakay sa mga moderno’ng bus ug jeepney tungod sa programa nga gipasiugdahan sa DOTr ug LTFRB sugod sa sunod bulan.  Mora’g nameligro na ang kahimtang sa mga operator sa mga daan ug kagang-kagang nga sakyanan kay mga moderno man ang ilang karibal, kansang plitehan, gilibre pa gayod sa kagamhanan.  Kinahanglan nga monunot sila sa kabag-ohan aron makalahutay sila sa kompetensya.  Angayan tamdan ang panultihon nga “Ang bulak dili gayod makigkompetensya sa laing bulak; hinooa, mobuklad lang siya sa iyang kaugalingon”. May’pa’g moligeeed!

Walay kwarta ang Pinoy

Plataporma sa usa ka party-list ang pag-amendar sa balaod nga nagtugot sa mga langyaw pagpamuhonan sa mga negosyo nga gitagana lang kanhi sa mga Pilipino sama sa domestic shipping. Sa kadako sa puhonan ni’ng maong sa negosyo, dili na lang tingale kita magtugatuga kon buot nato nga molambo ang shipping industry.  Makapahinumdum kini sa estorya sa Pinoy nga nangutana sa Arabo ngano nga adunay Department of Winter Sports sa ilang nasud nga wala man kuno silay winter season.  Mitubag usab ang Arabo nga, “Parehas ra pud bitaw sa Pilipinas, adunay Department of Finance bisan wala mo’y kwarta”.  Pagkatoytoy!

Magpabilin nga pulong

Mipirma’g kasabotan si Bise Presidente Leni Robredo tali sa mga senior citizens agi ‘g pagsuporta sa aktibong partisipasyon sa mga edaran sa kalamboan sa nasud.  Maingon nato nga kasabotan kini tali sa gamhanan’g binuhat ug sa mga maluyahon na nga hut-ong sa katilingban.  Kadudahan ang katumanan niini kay ginaingon man nga “Kon walay espada nga mopatuman, walay pulos ang kasabutan ug magpabilin kini nga mga pulong lamang.  Huyang ang bugkos nga ginamâ sa pulong lamang ug dili kini makapugong sa ambisyon, kayugot, kahakog ug uba’ng tinguha sa tawo”.  Fezteleern!

Simbahan ug estado

Matud ni Archbishop Jose Palma dili angayan nga mo-endorso ang Simbahang Katoliko og partikular nga kandidato ug nga kinahanglan nga ang simbahan magpabilin nga non-partisan.  Gihimug-atan sa Arsobispo ang prinsipyo sa panagbulag sa simbahan ug estado.  Apan wala ipasabot sa maong prinsipyo nga adunay panagbulag sa Diyos ug sa kagamhanan. Gipasabot lang tingale niini nga dili mahimo’ng magtukod ang kagamhanan og kaugalingon’g simbahan, ug dili usab mahimo nga ang tinuohan o kredo sa usa ka simbahan, himoong balaod nga sundon sa tanan. Mao vah!

BONGBONG MARCOS

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with