^

Banat Opinyon

Lantip nga Probinsyana

LABTIK - Alan P. Domingo - Banat

Anaa na ang Pilipinas sa transition sa pandemic ngadto na sa endemic sa COVID-19 matud ni Secretary Carlito Galvez Jr., ang chief implementor ug vaccine czar atol sa launching sa Resbakuna Botika niadtong nakalabayng adlaw. Nagpasabot kini nga dawaton na nato ang kamatuoran nga makauban na gyud nato ang covid ug dili na mawagtang.

Susama nalang sa ordinaryong flu ang pagtratar niini susama sa gihimo sa ubang nasud partikular sa Denmark nga wala na gani magsul-ob og mask ang mga tawo.

Apan giklaro sa opisyal sa National IATF nga inig abot sa panahon nga anaa na sa endemic stage, ang katawhan sa nasud magpabilin gihapon nga magsul-ob og facemask. Hinuon mag-agad ang tanan sa rekomendasyon sa mga health experts.

Gikinahanglan na nga mag-move on ta niining kasamtangan nga nag gapos nato kay hagbay ra namatay ang panginabuhian sa katawhan human magsugod ang COVID-19 kapin sa duha ka tuig na ang nakalabay.

Kong mataptan man gani sa balatian, mag-self-isolate or self-regulate nalang moinom og tambal magpalig-on sa lawas aron makaangkon og kaayohan sama gyud sa gipanghimo nato kaniadtong wala pa kining covid nga dili man kaayo big deal kong hilantan ang tawo.

Makaingon ko nga sakto gyud diay si Governor Gwen Garcia sa sinugdanan pa lang nga iyang gibarugan nga dili kita mataranta niining COVID-19 kay aduna pay mas grabe nga sakit ang nikuyanap nga gikinahanglang tutokan.

Gibangga sa gobernador nag mga national official sa IATF hangtod nga nakigtigom pa ang mga health consultants apil na si Health Secretary Doque kay paludhon gyud nila ang provincial government sa ilang mga lagda, apan wala gyud magpalupig si Garcia.

Ang mga initiative nga gipatuman sa probinsiya sa Sugbo sa kauwahian maoy gisundog ug gipatuman sa national. Dili man sila moangkon kay maigo ang ilang pride, pero dinhi sa lalawigan sa Sugbo kana unang gihimo dugay na.

Kong magsige kita og ihap sa mataptan sa covid mao kana ang makapahadlok sa mga tawo kay gitugotan naman lang nato nga diktahan kita sa kalisang.

Kong kaniadto pa lang gihatagan og higayon sa mga national officials nga sagopon ang gihimo sa lalawigan sa Sugbo dugay na unta kitang naka move on. Unsaon man dili sila ka dawat nga usa ka gamay’ng babaye'ng probinsyana nga dili doktora maoy nakahuna huna sa mga angayang himoon itandi nila nga mga experto sa medisina.

Tungod sa kalantip sa gobernador nahimo niining nabangon ang turismo ug ang ekonomiya sa Sugbo. Tukma ug haum lang ang mga gihimo niini sa pagbalanse sa sitwasyon sa COVID-19 ug sa panginabuhi sa mga tawo.

CARLITO GALVEZ JR.

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user