^

Banat Opinyon

Makakulba ang numero kay sa COVID-19

LABTIK - Alan P. Domingo - Banat

Walay kataposan ang iniphanay sa gidaghanon sa mga tawong nataptan sa COVID-19. Sa pagsugod pa lang sa pandemiya nag-ihap na nga miabot na gani sa kapin tulo ka milyon ka mga tawo ang nataptan sa Pilipinas, pero kadaghanan niini nangaayo na hagbay ra.

Pag-abot sa delta variant, iniphanay na sad pila ang natakboyan, ingon usab niini ang nahitabo sa omicron variant nga nag ihap na sad pila ang nabiktima niining kagawa.

Kong basehan nato ang numero pakapinan pa sa pagpanghadlok sa uban, mura’g makapakitbi gyud sa atay ang gidaghanon. Sa mga hadlokan maka-panic gyud pero angayan natong tan-awon kong sa maong gidaghanon pila man ang nangaayo na ug pila ra ang nagrabehan.

Kong mag-research ka mahuwasan ka sa imong kalisang kay numero ra man diay ang daghan niini nga nangaayo man ang nataptan sa virus.

Nganong big deal kaayo ang number sa COVID-19? nganong iapil man gyud ang mga nangaayo na? Para nako tutokan nalang seguro ang mga active cases kay seguro layo ra gyud kaayo kini sa numero nga dugay nang naayo.

Matud pa ni Cebu Governor Gwen Garcia nga ang numero maoy makapahadlok nga uyonan usab nako kay laliman mo kanang minilyon or linibo na diay ang naay COVID-19. Pastilan mas maayo pa nga tutokan nalang ang pagpalig-on sa panglawas kay sa mag ihap pila na ang natakdan.

Makahadlok man gyud ang maong sakit apan mas makakahadlok ang mga aksyon nga ipatuman sa kagamhanan kong motaas ang kaso kay seguradong maghatag kini og kapait sa mga tawo. Sama karon sa “no vax, no ride” policy sa kaulohan diin gipatuman kini human miburot ang numero sa kaso sa COVID-19.

Sa Cebu City gipatuman usab “no vax, no entry” policy sa mga enclosed establishments kay lagi naa na sa alert level 3 ug miburot sad ang kaso.

Maayo ang tumong niini apan lisod kaayo kini sa mga hingtungdan nga maapektohan kay dili lalim nga mahikawan ka sa katungod tungod lang kay wala magpabakuna sa tagsa-tagsa nga rason.

Hunong na ta og ihap sa mga natakboyan ilabi na kadtong mga nangaayo na aron dili na ta mangalisang.

COVID-19

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with