^

Banat Opinyon

Kadtong gabiing halandumon

MGA LAMAS SA KINABUHI - Fr. Rey Cui - Banat

Wala nako mahimo ang akong inandamang pamalandong og wali sa misa nga gihimo alang sa Simbang Gabi niadtong gabii nga misugod paghuros sa hangin nga kusgan. Nipaka ang transformer duol sa kumbento ug daw sa pinugngan ang tingog ang katawhan sa Dios nga nanimba niadtong tungora buot mopabuhagay sa ilang kalisang.

Napawong ang sugang dagitabnon ug gipadayon nako ang Santos nga Misa apan ning tungora wala nay daghang kanta. Buot nakong makauli na lang sa ilang tagsatagsa ka mga panimalay ang akong mga parokyano. Hinayhinay pa unta ko apan sa dihang niabot ang takna mga alas onse kapin kun kulang sa kagabhion, daw nihari ang kapintas ni Odette ug nipakurog sa tibuok kumbento ug sa mga atop niini. Nagpungasi ang mga balod. Ang hangin daw demonyo nga nagkatawa.

Ang mga sliding window sa kumbento nagkurog na ug nahimong busy ang akong mga sakop sa ilang pagpanglimas sa tubig nga nihinay hinay og sulod sa ikaduhang palapag sa among pinuy-anan. Kini tungod kay naukab ang usa sa mga atop sa itaas ug kinahanglang ubanan og habwa ang tubig nga posibleng mopuno sa sawog niadtong tungora. Ako walay tarong kinatulgan ingon man ang akong mga kaubanan. Nahimong seryoso gayud ang among pag-ampo sa Santos nga Rosaryo niadtong tungora. Sayud ko nga kining among giatubang karon dili gyud tiaw nga katalagman.

Mga alas tres kadto sa kaadlawon kapin kun kulang sa dihang nilurang ang hanging tampalasan. Nigawas ko sa kumbento kuyog sa kapid-an sa akong mga kaubanan. Daghang lubi ang nangatumba. Ang mga baroto nga giparking sa lapyahan sa Parokya dili na mahitsura. Pawong ang sugang dagitab ug sayud ko nga monihit o dili ba kaha mahanaw ang tubig.

Nalibog ko sa sunod nakong pagahimoon ug daw sa dili nako matukib ang kaguol sa dihang gilibotan ko og daghang guba ug ingon man akong nasuta nga ang tawo usab masulob-ong nagsud-ong sa ilang hinagoan nga sa hataas nga panahon ilang gimugna apan nahimong wad-on lamang sa hamubong panahon. Ug ang nakapasubo kanako mao man nga ang akong higala ug kuyog kaniadto sa seminaryo nga si Padre Eliseo Fernandez naanod diay gumikan ni Odette. Sakit apan tinuod.

SIMBANG GABI

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user