Davao Light, Meralco

Lahi sa atong nadunggan nga kuno (ambot tinuod ba) adunay magpabayad kun maka-kuryente ang imong kasilinganan labing dali nga panahon. Maoy hinungdan nga adunay mga side streets nga hayag na, samtang ang uban ngitngit gihapon, sama sa among sityo.

Taliwa niining tanan, niay nindot ug dalaygon nga incident. Gikan sa Singson Village (Guadalupe), nanawag ang akong anak nga duna na silay kuryente. Lipay kaayo sila ug na-surprised siya nganong nagpabiling ngitngit ang among dapit.

Mipakapin siya’g pahibawo nga tapos sa trabaho, mitanyag siya og pang-snacks sa mga linemen, apan, mibalibad, wa modawat. Akong gipangutana kinsa nga mga linemen. Iyang tubag, taga Davao Light.

Dili bribery ang gihimo sa akong anak, kay natapos na man ang trabaho, kun dili, pahinungod ug pasalamat. At any rate, wa gyud modawat.

Mao nga nakaingon ko’s akong kaugalingon nga dili gyud diay tinuod nga mobayad una ka una maka-kuryente.

Sa laing bahin, sa Casals Village, gitrabaho na ang ilang linya sa elektrisidad. Ug tapos sa trabaho, ilang gipasidunggan ang mga linemen. Apan, sama sa taga Davao Light, mibalibad gihapon sila. Taga-Meralco ang mga linemen.

Misamot ko’g tuo nga dili tinuod ang gi-tsismis nga kinahanglan mobayad ka, aron maka-kuryente. Apan nganong nigawas man ang maong huhongihong?

At any rate, last priority man tingali mi unsay ilang gibasihan sa ilang pag-prioritize? Giingon nga by January 31, mosiga ug ma-energized na ang tibuok siyudad. Lagmit ilang lihokon ang among dapit sa Enero 30 pa ug tungod kay dili man mahuman ang trabaho sa usa o duha ka adlaw, lagmit, kon duna pay 32 ang January, sa January 32 na kami makabaton og kuryente.

* * *

Sa niagi natong lindog, naghisgot kita’g mga resulta sa mga political surveys, nga kun katuhoan ug kasaligan ang mga survey, wa na kinaanglana ang eleksyon, kay after all, nasayod man kita sa resulta sa eleksyon (Joke lang). Apan, sa America, lahi ang nahitabo, kay matud pa dili masiguro kon motug-an o motubag ba gayud sa tinuod ang mga gi-survey o ang mga respondents.

Atong kutloon pag-usab, kining nahitabo sa America, sumala ni Ana Marie Pamintuan sa Philippine Star: “Polling has taken a bad hit in other countries. Nearly all the pollsters in the United States got the results wrong in the 2016 presidential race wherein Donald Trump beat Hillary Clinton,” kinsa nag-una sa mga survey.

Matud  ni Trump nga ang mga pollsters “just put out phony number.” Mga minao-mao lang kuno nga mga numero ang ipangpublikar sa mga surveys. Mao ba? Di sad tingali mao usab ang nahitabo dinhi sa atong nasud. So far mao ra man og katuhoan kining duha ka inilang mga survey companies sa atong nasud.

Anyway, ania pa: “British pollsters also botched the May 2015 election results, where in the Conservatives won. The initial theory was that those interviewed for the opinion polls were not honest in their answers.”

Mao ni ang akong giingon sa unahan nga dili unya honest o dili motug-an sa tinuod ang mga gi-interview o mga respondents, aduna na may mga survey nga gihimo apan, matud ni Ana Marie: “So people unhappy with current survey results need not fret; the official campaign period hasn’t even started yet.”