^

Banat Opinyon

COVID-19 ug Odette

AMBOT LANG - Gerry Auxilio - Banat

Daghan ang nagtuo nga gidala ni bagyong Odette ang COVID-19 sa iyang pagbiya sa Pilipinas. Tungod niini, daghan na kaayo ang mga tawo nga wala na mosunod bisan sa minimum health protocol nga gipatuman sa gobiyerno.

Sa kadalanan, tindahan ug ubang mga dapit sa Sugbo imong makita ang mga tawo nga nagtapoktapok  ug sama na sa anaa na sa normal ang pagpuyo. Mora ba og wala na tay pandemiya nga giatubang karon. Ang mga tawo mora og wala masayod nga misulbong na usab ang kaso sa COVID-19 dinhi sa dakbayan sa Sugbo.

Gikan sa upat lang ka barangay nga may kaso sa COVID-19 niadtong  buwan sa Disyembre, 2021 diin may adlaw pa gani nga walay natala nga kaso sa COVID-19 karon, anaa na sa 53 ka barangay ang may kaso na usab sa COVID-19. Sa miaging adlaw 32 pa lamang kini. Ingon ani ka paspas ang tinakdanay sa COVID-19.

Si Mayor Mike Rama mimando sa pagpatuman pagbalik sa Oplan Puyo. Ubos niini, dili tugotan nga makagawas sa ilang panimalay ang mga nag-edad og 17-anyos paubos ug ang mga nag edad og 65-anyos pataas. Tugotan lamang nga makagawas sa ilang panimalay ang mga tawo alang sa mga mahinungdanon lamang nga tuyo.

Gimandoan usab ni Presidente Rodrigo Roa Duterte ang mga barangay kapitan lukop nasud sa pagdakop niadtong mga tawo nga dili mokooperar ug mogawas gayod sa ilang panimalay bisan og dili bakunado.

Ingon ani na usab ka seryoso ang kaso sa COVID-19 dinhi sa Sugbo ug sa tibook nasud sa Pilipinas.

Dinhi sa dakbayan sa Sugbo wala lang diay magbilin og mga kasakit, kagulanan ug danyos sa atong mga kabtangan ug propriedad si bagyong Odette. Iya pa gyod tang gibinlan og COVID-19.

Sa wala pa si Odette, 4 na lang ka barangay sa dakbayan sa Sugbo ang may kaso sa COVID-19 pero human ni Odette misulbong napod ngadto sa 53 ka barangay ang may COVID-19. Hahay Odette ug COVID.

COVID-19

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user