^

Banat Opinyon

Way bakuna pangdakpon?

MGA LAMAS SA KINABUHI - Fr. Rey Cui - Banat

Hinay-hinay nga gihugtan sa gobiyerno ug bisan sa pribadong sektor ang pagpangita og vaccination cards sa mga tawo. Gani miabot pa sa punto nga mismo si Pres. Duterte namahayag nga pangdakpon ang mga tawong wala magpabakuna.

Hinuon dili maayong sabton kini base lang sa linya sa pamahayag sa presidente kay wala may balaod nga nag-ingong salaod ang dili bakunado.

Giklaro kini sa DILG, nga ang gipasabot sa presidente nga badlungon ug papaulion lang kadtong mga tawong dili bakunado aron malikay sila gikan sa virus. Kalapasan sa ilang katungod kun sila dakpon.

Responsibilidad sa mga barangay officials ang pagpangusog pagkumbinsir sa ilang mga konstituwente nga magpabakuna.

Usa na niini ang paglista sa tanang mga tawo sa ilang barangay nga dili pa bakunado aron sila adtuon ug esplikaran bahin sa kamahinungdanon nga naa niini, hasta sab kung unsay negatibong epekto kun wala sila niini.

Kay sa pagkakaron, kadaghanan sa mga barangay igo rang nagpatakap og mga tarpaulins nga gikan sab sa gobiyerno, rekorida, ug patrolya. Kuwang kaayo ni.

Wala gyuy mga tawong nilihok pagpangita sa mga molupyo nilang hangtud karon wala gyud magpabakuna. Apan abtik sila manglista kun dunay ayuda.

Sa Cebu City, bisan tuod wala pay kamandoan gikan sa siyudad nga dili pasudlon tanang dili bakunado, duna nay pipila ka mga establisamento ang nanagana ug estrikto. Basta walay ikapakitang vaccination cards, dili gyud pasudlon.

Masabot nga kini kaugalingong inisyatiba sa mga establisamento aron protektahan dili lang ang ilang mga empleyado kondili hasta sab ubang mga kustomer ug ang ilaha mismong negosyo.

Angay masabtan sa tanan, may bakuna man o wala, walay gipili ang Covid-19, samot na nga duna nay mga variants nga paspas kaayong makatakod sama sa Omicron. Kadtong mga dili gyud gustong magpabakuna dili nalang gyud pugson, apan kinahanglang tumanon nila ang mga health protocols ug dili nila ibutang sa risgo ang katilingban kun daghan kanila ang mangalandig sa tambalanan ug ma-inutil ang health care system.

Katungod sa uban nga di magpabakuna, apan wala magpasabot nga mahimo nilang ipamugos ang ilang katungod bisan matumban na ang katungod sa uban nga magpuyong normal taliwala aning Covid-19.

COVID-19

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user