^

Banat Opinyon

Ang mga habol

MGA LAMAS SA KINABUHI - Fr. Rey Cui - Banat

Samtang pawong ang mga sugang dagitab akong gihimo ang pag-utingkay sa mga cabinete sa mga lawak sa hataas.

Akong naukayan ang daghang mga habol ingon man bed sheets nga hinatag kanako sa akong higala sa dakbayan nga dunay hotel. Hinuon ang maong hotel tungod sa pandemiya sirado na.

Wala ko maglangan og ako dayon k ining giapod apod sa Lower ug Upper Anbongan ingon man sa Alangasil nga grabe ang kadaut nga nahiagoman.

Kuyog niini ang mga plastic nga plato nga ihatag na lang pud sanglit daghanan sa mga balay ang gilamoy sa dagat. Akong gi mobilize ang akong mga kabataan ingon man ang akong mga sacristan. Sa paghimo sa ingon.

Nihimo ko og pagsuroy sa lugar gyud mismo. Sa maong lugar akong nakita ang makalisang nga talan-awon. Napikas ang karsada, giguba ang mga konkretong mga pinuy-anan. Sa akong nadunggan, dunay mga sakyanan nga mahalon nga ambot tua na tingali sa halawom nga bahin sa dagat nipahiluna human kini lamya ug pusgaya sa mga balaud.

Daw sa gihuboan ang tanan dil lang sa ilang panginabuhian ug gisaligan apan labaw sa tanan, daghan ang gihuboan sa ilang kaisog ug paglaum.

Daw gitandog gyud pag-ayo ang kasamdan ning maong hitabo nga dili gyud mahimong makalimtan.

Dili lalim ning huboan ta. Gawas tingali kun sa maong paghubo kanato kuyog nato ang linalang nga mopakita pud sa iyang kahubo agi’g pagmatuod nga wala siyay gitago nganha nimo.

Apan lahi si Odette. Gihuboan ang tanan sa pagpangandoy ug tinguha nga mamahimong malipayon ang kasaulogan sa Pasko.

Sa Parokya pa lang namo, daghan na gyud unta mi og mga programa apan ang tanan giguba ug gidam-ok na lang gyud sa hingpit. Daw sa nahanaw ang tanan.

Apan diha sa maong kahubo nakita nato nga buhing matuod nga kita mga kabus ra gyud atubangan sa Dios bisan unsaon.

Makapawala man tuod sa gana, apan padayon gihapon kitang maningkamot dili lang aron mabuhi o mo-survive. Kinahanglan kita maningkamot aron mamahimong makabangon gikan sa pagkahilukapa.

DAKBAYAN

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user