_banat
^

Banat Opinyon

EDITORYAL - Way proteksyon ang konsumidor karon

Banat
EDITORYAL - Way proteksyon ang konsumidor karon

Matag tuig dunay katalagmang mohugpa dinhi sa Pilipinas. Kanunay kining magbilin og kadaot dili lang sa kabtangan kondili hasta kinabuhi sa mga tawo tungod nagpalisud-lisod kini kanila.

Dunay daghang mga balaod nga napasar na sa kongreso nga makatabang unta sa mga biktima nga mapagaan gamay ang kalisdanan, apan wala may  seryusong naglihok aron proteksyonan ang mga tawo gikan sa mga hakog ug pagpangabuso sa mga magpapatigayon.

Ning bag-ohay lang, daghan ang nitiyabaw nunot sa overpricing sa mga palaliton, apan ang mga ahensiyang gitahasan, kutob ra ‘warning’ ug walay aksyon.

Usa niini kining mga reklamo ug pagbagulbol sa mga konsumidor nunot sa gihulagway nila nga ‘hinakog’ ug dili makatarunganong pagpabayad kanila sa serbisyo sa mga telecommunication companies sa mga adlaw nga wala makagamit ang mga tawo.

Sugod niadtong Disyembre 17,2021, usa ka adlaw paghuman sa pag-igo sa bagyong Odette nangapawong tanang mga telecommunication companies dinhi sa Sugbu tungod daghang nangatumbang mga poste.

Tinuod nga pagkahuman sa bagyo sama sa ubang mga utilities, gisugdan dayon sa mga telcos ang pagsubay ang ilang mga linya ug pag-ayo niini aron mabalik ang ilang serbisyo.

Apan sa gihapon , wala man dayon mabalik ang signal ug hangtud gani ning mga panahona daghan pang kabalayan, establisamento, mga korporasyon o kompanya ang wala pa mabalik ang serbisyo sa telcos.

Tinuyo man o dili kining pagpaningil nila sa bayad nga giapil hasta ang mga adlaw nga wala nila mahatag ang serbisyong maoy gibayran sa ilang kustomer dili maayong paminawon. Nakadugang kini sa kalisod  nasinati sa kadaghanan karon hinungdan naglagot ang mga tawo kanila.

Tungod kay gawas nga lisod pagpangita ug mahal ang mga batakang panginahanglan karon, nagpuno-puno lang kini sa kahasol sa hunahuna sa mga tawo.

Hain naman ang gitawag nga ‘corporate responsibility’ sa mga dagkong korporasyon sama aning mga telcos?

Kutob ra ba diay kini sa pagpakita anang kunohay mag-tree planting, mag feeding program, mag coastal cleanup, pagpanghatag og relief goods nga ang tinuod nga tumong para raman duna silay ikapakitang pictures nga nitabang sila? Kung naglihok palang usab ang mga hingtungdang ahensiya, magmatngon gyud unta kining mga magpapatigayon.

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with