_banat
^

Banat Opinyon

EDITORYAL - Misa de Gallo ug bagyo

Ian B. Melecio - Banat
EDITORYAL - Misa de Gallo ug bagyo

Gisugat og bagyong Odette ang unang adlaw sa Misa de Gallo dinhi sa Pilipinas ilabi na sa Sugbu nga makapasuway gyud sa kalig-on sa pagtuo sa mga magtutuo sa Kahitas-an.

Ang bagyong Odette gibanabanang moagi sa Sugbo ugma pa hinuong adlawa. Apan karon pa laman dili na maayo ang dagan sa panahon tungod sa kusog nga hangin og pag-ulan-ulan.

Ang nagkadaiyang mga LGUs naghimo na og pagpangandam gikan sa ilang mga gamit ug mga sakop nga moresponde unya kun magkinaunsa.

Apan samtang tuod og gusto sa tanan ipakita ang hugot nga pagsalig ngadto sa Labaw’ng Makagagahum, dili kini kinahanglang pamatud-an pinaagi sa pagsungasong sa bagyo ilabi na sa mga masakiton ug mga edaran.

Madungog man tingali Niya ang mga pag-ampo ug yangungo bisan sa balay lang basta kinasing-kasing ug matinud-anon ang hangyo.

Maayo maminaw sa mga pahimangno sa lokal nga opisyales kay sila nangandam na sab sa maong katalagman.

Makatabang sab kun maghimo og kaugalingong preparasyon ang mga tawo diha mismo sa ilang mga balay.

Pag-andam sa mga gamit sama sa flashlights, baterya, radio transistor, mag-charge daan sa mga cellphone ug power banks, magpundo og bugas, delata, medisina ug tubig nga mainom.

Samtang hinayhinayan na sab pagpamutol sa mga sanga sa mga kahoy diha duol sa mga balay ug linya sa kuryente aron dili maoy hinungdan unya sa pagkapawong sa kuryente ug uban pang mas makadaut nga panghitabo.

Kadtong dunay kwarta, mas maayo nga magpundo og cash ug dili magsalig nga dunay pundo sa bangko kay posibleng magkaproblema sa supply sa kuryente.

Hinayhinayan sab og hawan ang mga kanal diha sa palibot aron dili paspas ang pagsaka sa tubig baha kun magpadayon ang pagbunok sa uwan.

Angay makat-on ang mga tawo nga mamahimong preparado sa mga sama niini nga natural nga katalagman aron nga dili mabiktima ug makaangkon og dakong kadaut sa ilang kinabuhi ang bagyo.

MISA DE GALLO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with