Mga priorities ni Mayor Rama

Akong namatikdan nga daghan gihapon kanatong mga senior citizens ang nagpakabana sa mga kaugmaran, dili lamang sa atong dakbayan ug lalawigan, kundili ingon man sa kaulohan ug sa tibuok kalibotan.

Sa mga tulomanon sa radio, ilabina sa mga commentary ug interaction programs, naglakip sa mga callers ang mga senior citizens.

Nagpasabot nga dili kita maisip nga mga fence sitters, kundili buot gihapon kita nga ma-counted among sa mga citizens nga nagpakabana, nga buot motampo sa mga maayong hunahuna sa nagkalainlain nga mga isyo.

Kay matud ni Carmen Pedrosa sa Philippine Star: “Humanity would not progress until we understand what old age is about, and what human beings should use for it. We need them because some of them are troves of wisdom, but we have cast them aside because we think they would not be in step of the times.”

Tinuod, di ba? Ang katilingban usahay makaminos sa mga senior citizens. Apan matud ni Pedrosa, dili magmauswagon ang katawhan kon dili nato sabton og maayo unsa kining mga senior citizens.

Gikinahanglan gihapon ang mga senior citizens tungod kay daghan kanato ang naghambin sa kaalam, kahamtong, ug kasinatian. Apan, ato kini silang gipadaplin tungod kay nagtuo kita nga dili sila maka-cope sa kabag-ohan.

Padayon ni Pedrosa: “There has been in the past such older persons whose contribution to humanity have been invaluable precisely because of their age.”

Despite sa atong pangedaron, nagpadayon ang atong pagpakabana ug pagpanginlabot (dili panghilabot) sa mga kaugmaran sa atong palibot. Ug malipay kita kon ang mga kaugmaran pabor sa kagamhanan ug sa katawhan.

Sa atong dakbayan, pananglitan, unsa man ang mga priorities sa atong Mayor? Gitubag kini niining headline sa The Freeman nga: “Herd immunity, SRP loan, BRT top Rama's priorities.”

So, alang kang Mayor Rama, unahon niya sa pagtagad nga atong makab-ot kining gitawag nga herd immunity, kon mayoriya sa mga molupyo sa dakbayan ang nabakunahan;  pagbayad in full sa utang sa SRP; ug pagpa-implementar long overdue nga Bus Rapid Transport project (BRT). 

Dugang niini, paningkamotan ni Mayor Rama ang paghuman sa Cebu City Medical Center (CCMC); paghimog mga kausaban o mga curative measures sa Joint Venture pag-modernize sa Carbon market; pagtukod sa mga medium-rise building alang sa socialized housing project sa dakbayan, ug uban pang mga dagkung proyekto sa dakbayan.

Sa mosunod nga pito ka bulan sa Rama administration, iyang panghingusgan ang pagpamabakuna aron makab-ot ang herd immunity, pagpaluag sa mga health restrictions sa pangagamhanan, aron makabarog pagbalik ang nahugno nga ekonomiya.

Ug ania, hinaut  nga matuman kini: “Rama vowed that his administration will go after grafters and fixers and would help the police to be more motivated and efficient to make the Cebu City Police Office (CCPO) the finest in the country.”

Sa iyang bahin, sa iyang pagpanumpa, si Vice Mayor Dondon Hontiveros nagkanayon: “Today marks the day when I am called for a greater responsibility…Ang usa ka oportunidad susama niini dili nako pwede talikdan…I will face it with courage and cautious optimism.”

Atong pagalantawan ang pagka-busy sa Rama-Hontiveros administration ning mosunod nga pito  ka bulan. Ato kining suportahan, ug ato unang i-set aside ang politika.