_banat
^

Banat Opinyon

Dili tanang kalan-on magdala og kahimsog

MGA LAMAS SA KINABUHI - Fr. Rey Cui - Banat

Nindot baya ning mosuroy kita sa mga kabalayan sa atong mga parokyano dili lang sa mga higayon nga dunay okasyon bisan gani kun walay okasyon. Siguro kita nga nag-andam pud gyud sila sa kinaham mong pagkaon.

Apan ang tanan dili lang kalabot sa pagkaon kun buot hunahunaon. Mopatighulog gyud kini sa dakong tinguha nga makiglambigit. Apan ang panahon karon nahimong malisod. Ang panahon karon daw dili maantigong mosabot sa dakong panginahanglan sa kalambigitan. Ang panahon karon buot mamahimong daw mobilanggo sa matag usa aron dili makagawas ug makiglambigit tungod sa virus nga gikan sa Wuhan.

Matud pang Galvez fourth wave na usab kuno. Basin di mahinayon ang election kay fourth wave na pud kuno sa coronavirus. Ambot ning kinabuhia karon. nganong dugay mang nipahawa ning virus nga dako.

Sa laing bahin, pinangita gyud nato ang mga pagkaon nga maghatag kanato og katagbawan. Sa ato pa nagpangita kita og bisan unsang lamian. Apan dili tanang lamian magdala og kinabuhi. Ang uban kanila magdala man og kamatayon. Kamatayon gumikan sa balatian nga ilang madala ngari kanato. Kamatayon tungod kay dili man kahimsog ang ilang mahatag alang nato.

Sama usab kini sa atong pagahimoong pagpili. Daghan ang molingla kanato ug motanyag og mga hinanaling kabantog ug hinanaling kalalim apan sa kaulahian mamahimong pakyas ang tanan alang kanato. Hapit na ang adbiyento ug haom ug tukma gayud atong himoong sukaranan ang self-discipline bisan gani sa atong pagkaon kay kun wala ang disiplina nan malisod ang paghatag og han-ay mismo sa kaugalingong kinabuhi.

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with