_banat
^

Banat Opinyon

Mandatory na ang bakuna

AMBOT LANG - Gerry Auxilio - Banat

Sugod karong adlawa dili na makasulod sa mga mall ug ubang establisamento sa dakbayan sa Lapu-lapu ang mga dili bakunado.  Ang mga dili bakunado kinahanglan nga mopresentar og negatibo nga resulta sa antigen test.

Siguna sa Section 12 sa Akta Republika Numero 11525 o COVID-19 Vaccination Act of 2021 nga giaprobahan ni Presidente Rodrigo Roa Duterte niadtong Pebrero 26, 2021 dili mandatory ang vaccination card alang sa edukasyon, trabaho ug uban pang transaksiyon sa gobiyerno. Busa maingon nato nga dili mapugos ang mga tawo sa pagpabakuna.

Pero unsa naman kini karon? Nahimo na nga mandatory ang pagpabakuna dili lamang sa dakbayan sa Lapu-Lapu kun dili apil na sa ubang mga dapit sa nasud. Tungod ning maong patakaran nga gipatuman sa mga lokal ug nasudnong kagamhanan nalapas na tawhanong katungod sa mga tawo.

Bakunado ko pero boluntaryo ko nga nagpabakuna. Nagpabakuna ko tungod kay gusto nako. Wala ko nagpabakuna kay gipugos ko busa ako nga girespito ang katungod sa uban nga dili magpabakuna.

Hinuon, ang mga tawo nga naargabyado sa paghimo na’ng mandatory sa bakuna puwede nga modangop sa hukmanan aron ilang hagiton ang legalidad sa pagpamugos sa bakuna. Ang pagdangop sa hukmanan makasihag ug makaklaro sa pagkabalido o dili sa patakaran sa bakuna nga gipatuman sa gobiyerno.

Pero kun ang mga tawo nga naargabyado dili modangop sa hukmanan tungod ba kaha sa unsa nga rason, puwede ra pod nga sila na ang maghukom sa nagpakanaug sa patakaran karon umaabot nga Mayo 2022 nga bugnong lugaynon.

* * *

Dili ikalimod nga dili garantiya ang bakuna nga mapanalipdan ang tawo sa COVID-19 tungod kay natakdan gihapon sa COVID-19 ang mga nabakunahan na. Apan gipamugos gyod sa gobiyerno ang bakuna. Ang problema lang kay nanghunaw ang gobiyerno sa ilang tulobagon kun unsa ang mahitabo sa gibakunahan. Mao ni dili makiangayon.

COVID-19 VACCINE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with