_banat
^

Banat Opinyon

Kinsay mas nagkinahanglan?

BALITAHOM - Atty. Jose Marie N. Poblete - Banat

Nahingawa si Senador Lacson sa posible’ng “overlapping” sa mga benepisyaryo sa mga programa sa DSWD.  Misugyot and senador sa pag-“streamline” sa mga proyekto aron makunhoran ang ubang galastohan sa ahensya.  Wala manamin ang senador.  Baniog nga magdawatan sila’g minilyon nga honorarium matag buwan isip miyembro sa mga komitiba diin ang uban wala gani maglihok. Bisan tugotan nato nga nag-overlap ang mga benepisyaryo sa DSWD, segurado nga hangpon kini sa katawhan.  Adunay panultihon nga “kon makaayo sa itik, makaayo usab sa gangsa”.  Mas nagkinahanglan og hinabang ang pobre’ng katawhan kay sa mga datu nga senador.  Dili paleho!

Sayop nga basehan

Namahayag si Secretary Duque nga ang Pililipinas ang pinaka-menos og gidaghanon sa namatay sa COVID-19 kon itandi sa walo ka adunahang nasud sama sa US, UK, Spain, Germany ug uban pa.  Nangandak gilayon si Duque nga ang atong low mortality naggumikan sa atong maayong pagresponde sa pandemiya.  Mora’g lipat-lipat man ang pamahayag ni Duque.  Ang gidaghanon lang sa namatay ang iyang gitandi ug dili ang ratio sa namatay batok sa populasyon. Matud pa sa Dalai Lama, “ang pagpangilad ginamit ang sayop nga basehan makapalangan hinoon pagkab-ot sa tinuod nga katuyoan”.  Ehemplo si Duque sa Murphy’s Law nga nag-ingon, “Dili ka gayod kahutdan sa mga butang nga mahimong sayop”. Fezteleern!

Pag-buhis nga walay balaod

Matud pa sa grupo’ng Tugon Kabuhayan, ang pagtugot sa kagamhanan pag-import og isda balor 600,000 ka metrikong tonelada wala makapa-kunhod sa presyo sa budboron o galunggong sa atong ka-merkadohan.  Daw konsentidor ang kagamhanan ning pagsaka sa presyo sa usa ka batakan’g panginahanglan sa tawo.  Ginaingon nga “ang pagsaka sa presyo sa palaliton usa ka matang sa pagbuhis nga mahimong ipatuman bisan walay gipasar nga balaod”.  Ug sama sa toothpaste nga malisod na ibalik sa sudlanan human ipagawas, mao usab ang pag-saka sa presyo sa palaliton nga malisod na usab pakunhoron.  Ginhawa Delfin!

Bakuna’ng maka-bungol

Gisaway sa Makabayan Bloc sa kamara ang probisyon sa IATF Resolution 148-B nga nagmando sa mga empleyado nga magpabakuna batok COVID-19, tungod kay ilegal, unethical ug mahimong moresulta sa diskreminasyon ang maong kamandoan.  Daghan ang maayong rason ngano nga magpabakuna gayod sama nga adunay mga balido’ng rason ngano nga dili magpabakuna ang tawo.   Kinahanglan magrespetohay apan usahay, makapikon na ang mga rason sa matag habig.  Matud pa sa akong higala, “Maayo pud unta kon adunay bakuna nga maghimo kanako’ng bungol sa mga opinyon mahitungod sa COVID-19 vaccines”.  Pagkatoytoy!

Ipa-“stop” ang extradition

Mipasalig ang Malacañang nga ipatuman gayod ni Presidente Duterte ang balaod kon ugaling adunay hangyo gikan sa US alang sa extradition sa iyang spiritual adviser nga si Pastor Apollo Quiboloy kinsa nag-atubang karon og kaso nga sex trafficking.  Dili na tingale kinahanglan ni Pastor Quiboloy ang ayuda sa Presidente. Baniog ang iyang gibuhat nga “pagpahunong” sa linog pinaagi sa paglitok lamang sa pulong nga “STOP”.  Mahimo usab tingale niya nga ipa-STOP ang hulga pagdakop kaniya. Fishkots!

PANFILO LACSON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with