^

Banat Opinyon

Iring nga gi-esmokoy

LABTIK - Alan P. Domingo - Banat

Niadtong nakalabay’ng adlaw adunay usa ka asawa ang gipadakop sa iyang bana nga usa ka OFW kay nakiglambigit og laing binuhat kinsa nasakpan gyud sila akto nga nagtagay sa lawasnong himaya nga matod pa sa uban nag emiringhoy.

Bitaw pagaan sa ta karon kay weekend man, gaan pero seryoso nga isyu kini tungod kay naglamgit kini sa pagpuyo sa usa ka pamilya nga mabungkag o puwede pa maayo kong magkauliay pa ba.

Adunay nangutana kanako unsa man gyud kining pulong nga esmiringhoy, apan ako mismo wala pa masayod unsay tinuod nga hubad. Pero kong diretsohon nato sa pagsabot may kalambigitan kini sa kinawat kawat nga kalipay kauban sa partner nga dili unta haum alang sa usag usa.

Mahimo usab nga matandi sa binuhatan sa usa ka yahop nga pataka lang og pabuhagay sa kalipay nga sama sa iring o iro walay kalainan ang tawo kong mohimo og sama niini nga binuhatan.

Sa akong kaugalingong pagsabot sa tinamban pa nga pagkaestorya ang esmiringhoy posibleng gikan sa pulong nga iring-iring nga nag-esmokoy nga gidugangan lang og pulong “hoy.”Bbusa kong i-combine nga pulong nga saksak sinagol mahimong Iring nga nag esmokoy.

Dili kini ang unang higayon nga adunay mabalita nga sama niini. Gani taas kaayo kini og engagement sa social media kong ingon niini ang i-post kay kuninitan gyud dayon sa mga marites nga maoy ampay ang mag-tsismis ug mo-demand ra ba dayon nga ipakita ang nawong sa mga nadakpan.

Dili man gud mahimo ipakita sa social media ang ingon niini ka sensitibo ang balita kay segurado gyud nga ma isyuhan ta og notice of violation sa ilang facebook community.

Kining atong paglabtik ani nga isyu gitumong kini sa paghisgot sa realidad karon nga dili lang COVID-19 related ang mitumaw karon kon dili daghan pa nga estorya bisan sa sulod sa pamilya dunay mga panghitabo nga ingon niini nga makamugna og kalbaryo sa pagpuyo ug ang mga bata intawon ang makalolooy.

Komon kini nga isyu sa magtiayon nga ang usa manimpalad sa gawas sa nasud diin ang magnet gyud sa tentasyon nga kong dili makapugong maanod gyud sa pagpakasala.

Pait kaayo kong ang babaye ang magluib kay kondenahon gyud nga wagtangan nalang sa iyang dungog nga murag si Magdalena ang pagtan-aw sa uban pero kong ang lalaki murag dili kaayo big deal.

Bisan unsa man ang katarongan sa usa’g usa nganong nahitabo ang pagka gun-ob sa pamilya dili gyud acceptable maong huna hunaon sa makadaghan ang aksyon nga pagahimoon kay sa kauwahian ang pamilya gyud ang mabungkag nga dili na maulian.

Naamong lang sa iring iring nga nag esmokoy esmiringhoy!

OFW

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with