_banat
^

Banat Opinyon

Sara manggihunahunaong inahan

JAV, BANATI! - Javier Tapulado - Banat

Migawas ang tinuod kinaiya ni Davao City Mayor Inday Sara Duterte-Carpio dihang mihana pag-ulbo ang kagubot sa Barangay Soliman, Argao, Davao City niadtong Hulyo 1, 2011 tungod sa demolition team, kinsa walay kukaluoyng nanggun-ob sa pobreng kabalayan.

Misugod ang linabayay’g mga bato. May mga hait butang nanglupad. Gani, may polis nataopan og Indian pana sa luyohan niining paa.

Wala madugay, miabot si Inday Sara nga gisugat og sobrang kahinangop sa mga naapektohang lumolupyo. May edaran nang babaye nga migakos ni Inday, daw gidagmalang piso nga miluklok ilawom sa pako aron magpalaban sa isog-buotan nilang inahan.

Diay, Hunyo 23, 2011 nakadawat na ang mga residente og court order nga papahawaon na sila sa ilang dapit-gipuy-an nga gipanag-iya sa negosyanteng Jaime Uy.

Gumikan niini, ang abogado sa mga lumolupyo mipayil gilayon og appeal para temporary restraining order (TRO).

Apan pagka Hulyo 1, 2011, bisag wala pa moabot ang tubag sa nahisgotang hangyo gikan sa korte, mapugsanon gyod ang demolition team nga mipadayon pagpangguba sa kabalayan.

Hinungdan, nga namahayag-pahibalo si Inday sa demolition team nga sa miaging Huwebes pa niyang gihangyo ang korte nga ipadelatar ang maong pag-demolish kay dili siya gusto nga mosangko kini sa dugoong panag-engkuwentro. Sanglit ang mga lumolupyo nagpreparar nang daan og delikadong hinigiban ug andam makig-away batok sa manggubaay.

Busa, sa maong adlaw mismo, Biyernes, diin i-demolish na ang kabalayan, iyang gihangyo ang demolition team nga ipahunong ang pagpangguba ug magpaabot lag duha ka oras. Apan wala mosugot ang sheriff.

Hinungdang, gipatawag siya ni Inday. Ug dihang miabot sa atubangan ni Inday, gisugat kinig suntok. Ug napun-an pag mga suntok gumikan sa katig-ag kasingkasing sa sheriff, kinsa wala gyod mohatag og konsiderasiyon sa gamay kaayong gihangyo ni Inday.

Gipaulanag pagsaway ang maong hitabo gikan sa mga kaaway sa politika sa pamilyang Duterte. Dili kuno husto ang gibuhat ni Inday.

Apan imbes maguba iyang political career, misulbong hinuon pagsamot ang kadalayegon sa iyang gibuhat isip usa ka manggihunahunaong inahan sa siyudad sa Davao, kinsa andam manalipod-tabang sa iyang ginsakpan panahon sa kalisdanan.

Busa, dili ikatingala nganong nahimo siyang pinangga sa katawhan, ilabi na ning higayon nga modagan siya sa pagka-bise presidente sa Pilipinas.

SARA DUTERTE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with