^

Banat Opinyon

Ugma na gyud nato masayri ang tanan

IYO ANTOY - Antolin dela Serna - Banat

Kagahapon ang katapusang adlaw sa pagpang-withdraw ug pagpang-substitute niadtong ni-file sa ilang certificates of candidacy bisan kon wala pa sila makaseguro kon modayon ba gayud sila paglansar.

Sa atong pagsulat niini (kagahapon sa buntag), wala pa nato masayri sa hingpit ang final nga mga line up sa mga national candidates, ilabina na ang sa pagka-presidente ug pagka-bise. Gani, wala pa kita masayod sa kompletong line up sa mga kandidato pagka-senador.

Ug lagmit maapektohan usab ang mga kandidato sa pagka-representante ug sa mga LGUs, kay mag-agad man usab kini sila sa mga national candidates, kinsa ang mosabak kanila, ug kon kinsa ang ilang dad-on sa ilang mga pagkampanya.

So, at least dinhi sa atong lindog, ugma na gayud nato masayri ang tanan,  kay lagmit, sumala sa atong n nabatasan, aduna pay mga panghitabo at the last minute, at the last hour. Of course ato na kining masayran sa mga evening news, sa social media ug sa traditional nga broadcast media.

Sa pagkakaron, wala pay official nga pagtugot sa pagpangampanya. Kining mga pagsuroysuroy sa mga presidential candidates, nangampanya na  ba kana sila, o nag-suroysuroy lang gyud?

Nagpahayahay sa nagpuot nilang dughan?

Ang dagku kaayo nga mga tarpaulin, dili ba kini usa ka form of campaigning? O usa lang ka art exchibit.

Ingonman, kining ilang mga pag-caravan, unsa man ni, nag-exercise lang, nag-fun run lang, nagpasundayag lang sa mga motorsiklo ug sa mahalon nga mga kotse?

Ilang explanation nga as long kuno nga inig lamano nila nimo, apan, dili moingon nga “vote for me,”  wala pa kini sila mangampanya. Wala pa makasupak sa early campaigning nga kamanduan. ‘Onli in da Pilipins?’

Unya, mahitungod niining pagpasiugda sa mga caravan, adunay mga pangutana kon which one sa maong mga caravan ang labing daghan nga nikuyog. Alang nako, dili kini mao ang pangutana, kundii kinsa sa mga presidential candidates ang adunay mas daghan og kwarta nga igasto sa caravan.

Dili lang ta maghingalan sa mga presidential candidates dinhi, apan, basi sa gidaghanon sa mokuyog sa caravan inyong masayran kinsa sa maong mga kandidato ang adunay daghan og kwarta.

Atong masabot nga tungod kay kwarta may nagpadagan sa mga caravan, dili kini angay nga maoy  basihan sa inyo unyang pagbotar.

Niining mga taknaa, sa inyong pagbasa ning atong lindog, ang tanan mahitungod sa mga kandidato nga mag-circus-circus, ang tanan pulos lang gyud speculation. Unya pa kini nato masayri after the 5:00 o’clock deadline, ang final nga sugilanon sa atong mga national leaders. Meanwhile, dinhi sa atong lalawigan, it seems nga kon mahinayon, it’s going to be a three- cornered fight pagka-gobernador.

Si Manny Pacquiao, sa iyang pag-anhi sa Sugbo, mipahibawo nga si kanhi  Mayor sa Pinamungahan Geraldine Yapha modagan pagka-gobernador sa Sugbo.

Sumala sa record sa Comelec, usa ka Martin Mari Lozada sa Abag-Promdi mi-file sa iyang COC pagka-gobernador. Gipaabot nga siya ang pulihan ni Yapha.  Kinsa man ang running mate ni Yapha? Ato kining masayran karong adlaw, matud ni Pacquiao.

Mahal ni Pacquiao ang Sugbo, sumala sa napatik sa The Freeman, ania : “Kami, gikan gyud mi sa Cebu. Akong papa taga Pinamungahan gyud na. Mao na nga importante nako ang Cebu kay diri gyud mi gikan.”

CERTIFICATES OF CANDIDACY

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with