^

Banat Opinyon

Ayaw dayon og tuo

MGA LAMAS SA KINABUHI Pagpamalandong alang sa Malangkubong Kaayohan Hinikay - Fr. Rey Cui - Banat

Dunay nisantop sa hunahuna sa mga tawo nga tingali hapit na gyud ning katapusan sa kalibutan gumikan sa mga panghitabo nga kun atong tan-awon lisud kaayo ihulagway.

Daghang mga tawo ang nahimong mga nahisalaag sa hustong pagsabot kun unsaon paggamit ang kagawasan.

Daghang mga pangulo ang buot mo-control mismo sa atong kagawasan ug sila naman ang magbuot hinuon sa atong kinabuhi. Lisud palandungon apan mao  na ang nahitabo ning mga panahona karon.

Ning daghan nga pagdili possible nga mahitabo ang madulom nga rehimen sa terorismo ug mahimong mas mapadaghan pa ug maumol ang mga estraktura nga malupigon. Gikahadlokan kini apan maoy tinuod. Sa laktod mas nidaghan rong mga panahona ang mga dramatorgo ug dramatorga sa entablado sa mga hipokrito.

Apan ang atong Ginoo nagkanayon: “Ayaw kamo og tuo kun moingon sila nga Ania diri o atua didto!” kini tungod kay walay nasayud kun kanus-a kini mahitabo. Busa imbis batonan nato ang kalisang atong himoon kining mosunod:

1.  Paglaum nga bisan pa man sa kalisdanan nga atong nasinati dunay giandam ang Dios nga mas nindot pa kay sa atong nasinati karon.

2.  Pagtuo nga dili gyud kita biyaan nga kita makahimo sa pagsagubang ning mga suliran ug kalisdanan.

3. Paghigugma sa atong kaugalingon ug sa uban nga tungod niini mamahimong mas makahuloganon ang panlimbasog kun atong himoon nga mabuhi ang Dios sa atong kinabuhi ug masinati siya diha sa atong mga binuhatan.

Kun moabot ang Ginoo sa Ikaduhang higayon, nan dili na kita bation pa og kahadlok sanglit ato man siyang gipahari sulod mismo sa atong kasingkasing.

PEOPLE

WORLD

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with