Bisan sa kalisud

Nobiyembre 7, 2021: Ikakatloag-duha nga Domingo sulod sa tuig

Mga Pagbasa: 1 Har. 17;10-16/Sal. 146/Heb. 9;24-28/Mk. 12;38-44

Ang mga biyuda, kababayen-an ingon man ang mga kabataan nahisakop man sa matawag natong marginalized sector sa kapanahonan ni Jesus. Kini tungod kay ang ilang katilingban gidumala man sa mga kalalakin-an.

Ning paagiha nahimong daw wa maapil sa kwenta ang nahisgotang pundok sa katawhan. Samot na gyud ang biyuda.

Ang biyuda kun batan-on pa kinahanglang magminyo pag-usab aron economically mamahimong secure ang iyang kinabuhi pinaagi sa bana nga kaniya mobuhi.

Ug kun anaa pa ang iyang anak lalaki, ang anak lalaki maoy mobuhi kaniya.

Kay niadtong panahona ang mga lalaki mao man ang mangita sa panginabuhi dili ang mga babaye kaya ng mga babaye adto ra man sa ilang balay magbantay ug mobuhat sa mga buluhaton sa balay.

Nakita nato dinhi sa ebanghelyo nga ang biyuda nihatag og diyotay nga salapi apan gipakadak-an kini ni Jesus.

Ang rason mao nga bisan pa man sa kahagip-ot sa panudlanan ang maong biyuda nipaambit dili gikan sa iyang sobra kondili gikan mismo sa iyang gisaligan aron siya mabuhi.

Ang pagkamanggihatagon dili lang mahitungod sa pagpaambit kay lagi dunay sobra o salin sa mga tinipigang butang nga wala magamit. Kinahanglang I dispose ang mga butang nga dili na magamit kay nakakawat lamang og lugar.

Hinuon depende pud sa modawat niini kay mahimong gamiton kini ug ma recycle pud. At least walay basura. Hinlo ang tanan alang kanato.

Sa laing bahin, ang biyuda sanglitanan sa tinud-anay nga paghigugma. Kay ang tawo nga mopaambit sa bisan unsa nga iyang nahuptan taliwala sa kalisdanan. Dili na pagkamanggihatagon kondili, usa kana ka dakong gugma.