_banat
^

Banat Opinyon

Tay Masyong

MGA LAMAS SA KINABUHI Pagpamalandong alang sa Malangkubong Kaayohan Hinikay - Fr. Rey Cui - Banat

Sa kadaghanan gitawag siya og Tatay. Aktibong nangalagad sa Parokya ni Tatay Jose dinhi sa Madridejos, Alegria. Nahimo siyang kabahin sa kinabuhi sa daghang mga kaparian ug sa mga parokyano. Gawas sa iyang pagka lay minister nahimo pa gyud siyang katekista ug sinaligang sekretaryo sa kapanahonan ni Monsenyor Jojo sa dugay na nga panahon.

Nahimo siyang saksi sa mga panghitabo ug nahimo siyang kabahin sa kinabuhi sa tanang mga parokyano. Kun wala ang pari kaniadto sa mga patay nga ilubong siya man ang mobendisyon. Nahimo siyang sinaligan labi na gyud diha sa pagpanudlo sa mga butang kalabot sa pagtuo. Hinuon, by profession usa man sab siya ka magtutudlo.

Anaa kaniya ang pagkamadasigon apan ang lawasnong kahuyangan gumikan sa pangidaron wala man mobabag kaniya sa paghimo sa maong dakong tinguha sa pagpangalagad. Mao nga niabot ang panahon nga anha na lang siya sa ubos maghuwat aron makatabang pud siya sa pagpakalawat. Ug sa dihang sa COVID-19 siya natakboyan daw sa nahimong malisud ang tanan alang kaniya. Ug tuod man, nipahuway siya sa panahon nga wala kita magdahom.

Alang nako si Tay Masyong usa ka legend. Duna man tuod siya'y kahuyangan apan naningkamot siya sa pagsagubang niini. Hangtud sa katapusan anaa gihapon sa Parokya ug simbahan ang iyang hunahuna ug pagbati. Busa angayan lamang nga siya pasidunggan.

Ang atong kamatayon maoy mosulti kun sa unsang paagi nato gipuy-an ang atong kinabuhi. Malisod man tuod dawaton ang maong hitabo apan wala kita'y mahimo gawas sa pag-alinggat nga dunay kinutoban ang tanan. Apan bisan pa man kun atong kinabuhi mahanaw, mamahimong immortal ang atong kaugalingon pinaagi sa atong mga binuhatan.

Ang dili nako makalimtan kang Tay Masyong mao man ang iyang maya nga pagpangalagad ang mga yanong pasiaw binuligan sa mga katawa ug talidhay nga pinahimutang maoy nakapahimo niya nga unique kun lahi sa uban.

Kon kaniadto nahimong busy si Tay Masyong sa Pagsaulog sa Pulong sa Dios ngadto sa mga kapilya karon ug sa hangtud mao man ang tukmang panahon diin ang Pulong sa Dios nga gisaulog maoy mobusog sa imong kalag! Tay Masyong Rest in Peace! Salamat sa kasinatian, panaghigalaay ug amahanong tambag.

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with