_banat
^

Banat Opinyon

Di ba kini pangabuso?

RENBOR PATROL - Rene U. Borromeo - Banat

Ang paghatud og oil products, sama sa gasolina, krudo ug uban pa gikan sa world market paingon sa Pilipinas moabot og labing menos usa ka buwan.

Apan mahibulong kita kay kon ang world market mopahibawo nga adunay pagmahal sa prisyo sa ilang mga baligya nga oil products, diha-diha mopamahal dayon sa prisyo ang mga oil dealers.

Nganong mopamahal man dayon sila sa ilang baligya nga mahimong gipalit man nila kini sa barato ra nga prisyo? Unya, kon duna gani pag-roll back sa prisyo didto sa world market, dugay sila kaayo mopaus-os.

Angay kini nga tan-awon sa Department of Energy (DOE) kay ang tukma mao nga kadtong napalit nila sa barato ra nga prisyo, dili nila ibaligya og mahal.

Buyno, kon ingon man gani niini ang ilang pamaagi nga mag-agad sila sa prisyo sa world market, kinahanglang kon may pagkunhod sa prisyo, diha-diha usab dayon sila nga mopamenos, apan ang uban dili.

Nakabasa ko og balita nga si Senador Panfilo Lacson nagpakabana niining maong isyu nga naglambigit sa oil products ug sigurado ko nga iya kining tagdon.

* * *

Ang nindot gyud nga himoon niini no, mao ang pagwagtang sa gipatuman nga Value-Added Tax (VAT) sa mga oil products.

Kon dili na patungan sa kagamhanan og VAT ang mga petroleum products, mobarato na ang prisyo sa mga gasolina ug krudo.

Kini maoy nindot nga pagtabang sa katawhan kay kon mobarato ang gasolina pinaagi sa pagwagtang sa 12 percent nga VAT, momenos na ang prisyo.

Unya, ang LTFRB kinahanglang mohimo usab og kausaban sa taripa sa plitehan sa mga public utility vehicles.

Kon mobarato na ang prisyo sa gasolina, krudo ug uban pa nga oil products, hayan nga moresulta usab kini sa pagkubos sa prisyo sa mga baligya.

Maayo kay nasabtan ni Senador Lacson nga usa kini sa pamaagi nga makabenepisyo ang katawhan, pero ambot og mahimo ba kini niya sa iyang pagka senador.

* * *

Nakabantay ang katawhan nga dunay mga kandidato nga misang-at og Certificates of Candidacy sa Comelec, apan dili gyud angayan sa pwesto.

Bisan dinhi sa Cebu City south district, duna kuno’y mi-file og COC nga way nakaila ug siguradong pilde sa eleksyon.

Apan nakadungog ko nga ang maong tawo, gipadagan ra kuno kay dunay usa ka abogado nga maoy mohulip kaniya sa dili pa ang Nobiyembre 15.

Ambot og unsa nga partido nga milansar ang maong tawo kay dili ra ba mahimo nga mahulipan pinaagi sa “substitution” ang independente nga kandidato.

Huwaton lang nato.

DOE GASOLINA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with