_banat
^

Banat Opinyon

Ang dagway sa politika

AMBOT LANG - Gerry Auxilio - Banat

Duha ang dagway sa politika, dautan ug maayo. Sama nga aduna usab duha ka klase ang mga politiko, dautan gihapon ug maayo. Kini ang angayan nga mahibawan sa mga tawo ilabi na sa mga botante sa umaabot nga bugnong lugaynon karong Mayo sa 2022.

Ang maayong politika magbuhat ug kalihokan nga magbutyag sa kahiwian nga gihimo sa mga anaa sa katungdanan ug sa mga tawo nga nagpalibot kanila. Maghimo usab sila og mga proyekto ug programa nga makaayo sa katawhan. Ang dautan nga politika magmugna og tinumo-tumo nga mga pasangil ingon man programa ug proyekto nga makaayo lamang sa nagpasiugda niini ug dili sa katawhan.

Tungod sa kalantip sa hunahuna sa mga nagpasiugda sa dautan nga politika dili na nimo dali nga mailhan kun ang gihimo sa politiko dautan ba o maayo. Sama sa politika mao pod ang politiko. Aduna nilay dautan ug aduna usab nilay maayo. Ang mga politiko nga dautan maingon nato nga ang ilang politika dautan ug ang mga politiko nga maayo maingon pod nato nga ang ilang politika maayo.

Busa niining umaabot nga piniliay gikinahanglan gayod sa katawhan ang pag-usisa ug ang pagsunod sa mga kalihokan sa mga magpapili aron gayod masuta ang ilang binuhatan ug ang pagkatawo sa mga personalidad nga buot magpapili sa  bugnong lugaynon.

Gawas niini usbon na usab unta sa katawhan ang ilang mga basihanan sa pagpili og opisyal sa lokal ug nasudnong kagamhanan. Putlon na unta ang pagpili og opisyal sa gobiyerno nga gibasi sa personalidad.

Ibasi napod unta ang pagpili sa mga tawo og opisyal sa gobiyerno nga nakabasi sa ilang mga plata porma o mga butang nga ilang himuon kun mapili na sa katungdanan. Dapat kini ang lantugian sa mga kandidato aron magiyahan ang katawhan sa ilang pagpili pinasubay sa plata porma de pang gobyerno ug dili na sa personalidad. Kun dili man mausab ang matang sa atong pagpili sa piniliay, dili gihapon mausab ang politika. Magpabilin gihapon ang duha niya ka dagway ug ang dagway sa mga politiko monunot ra usab niini.

POLITICS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with