_banat
^

Banat Opinyon

Way trilogy

LINTUNGANAY - Fred Languido - Banat

Nitagam ba si kanhi Cebu City Mayor Tomas Osmeña sa iyang kasinatian sa miaging 2019 elections hinungdan nga nagdumili kini nga mopapili og balik pagkamayor sa dakbayan sa Sugbo sa moabot nga election?

Sigun sa mga kasaligang tinubdan, way trilogy nga mahitabo sunod tuig tali nilang Osmeña ug Bise Mayor Michael Rama. Kini tungod kay mas gipili ni Osmeña nga mokandidato pagkakongresista sa South District.

Hinuon duna pay kapin sa duha ka semana sa dili pa magsugod ang filing sa certificate of candidacy ug posible pa nga dunay kausaban nga mahitabo.

Apan kun way mausab sa plano sa Bando Osmeña Pundok Kauswagan (BOPK), si Kongresista Bebot Abellanosa maoy ilang pambato pagkamayor sa sunod tuig uban ni ABC President Franklyn Ong isip iyang runningmate.

Sa North District, si Cutie del Mar, anak ni anhing kongresista Raul del Mar, maoy ilang kandidato pagkakongresista samtang ang mga kandidato pagkakonsehal sa norte maglakip sa mga re-electionist nga sila si Nestor Archival, Alvin Dizon, Alvin Arcilla, Joy Young ug Leah Japson uban nilang kanhi konsehal Sisinio Andales, Mary Ann delos Santos ug sa broadcaster nga si Art Barrit.

Sa South District ang pipila sa mga mitumaw nga pangalan mao sila si Kapitan Clifford Niñal, Omar Barete, Pie Abella, Jose Abellanosa, Yayoy Alcoseba, ug ang umagad ni Osmeña nga si Bea.

Alang nako mas alegre ang eleksiyon sa dakbayan og magsangka pag-usab silang Osmeña ug Rama sa ikatulong higayon. Unang nagkontra ang duha niadtong 2013 diin gipildi ni Rama si Osmeña. Nahitabo ang ikaduha nilang sangka niadtong 2016 diin gipildi ni Osmeña si Rama.

Niadtong 2019 mao untay ikatulo nilang panagharong sa roydahan sa politika apan wala ni mahitabo tungod kay napugos si Rama pagpapili isip bise mayor human siya gilambigit ni Presidente Rodrigo Duterte sa negosyo sa illegal nga drugas.

Si Rama nalikip sa listahan sa mga narcopoliticians nga gipublikar ni Duterte. Bisan wala bakwia ni Duterte iyang pamasangil, apan ang pagtuboy niya ni Rama isip runningmate ni Mayor Edgardo Labella nga maoy kandidato sa iyang partido, ang PDP-Laban, maisip nga pag-abswelto niya gikan sa mga pasangil.

Human sa init nga piniliay ug sa mga pasangil sa tikas ug panghasi, napildi nilang Labella ug Rama si Osmeña ug ang runningmate niini nga si Mary Ann delos Santos niadtong 2019.

TOMAS OSMEñA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with