_banat
^

Banat Opinyon

Operators ang mosangkap

JAV BANATI - Javier Yntig Tapulado - Banat

Isip usa ka mapinanggaong inahan sa tanang lumolupyo sa lalawigan sa Sugbo, kanunayng nagtukaw ang hunahuna ni Cebu Governor Gwen Garcia sa pagpangapkap og mga epektibong paagi nga magamit aron mahatagag dugang proteksiyon ang katawhan diha sa atong pagpakiggubat sa COVID-19 nga padayong nanganak og lain pang mga variants matag adlaw.

Namatikdan niya, nga subsob na kaayo ang pagtinaptanay. Ug sagunson na ang nangamatay.  Ang pait, kay dili lang binagsa ang pagtinakdanay. Usahay, ang tibuok pamilya maoy mangaigo. Unya, bisag daghan na ang na-fully vaccinated, nagsige gihapon pagsaka ang mga kaso kada adlaw.

Makapaalarmang situwasiyon nga nakahatag niyag usa ka dakong hagit unsaon pagsulbad?

Dugay na siyang mipahibalo sa NIATF: “We hate lockdown.” Bitaw! Dili maayo sirhan tanang balay-patigayon kay delikadog mamatay atong ekonomiya. Gani, gisalikway niya ang rekomendasiyon sa NIATF, kinsa morag ‘LOCKDOWN’ ray nahibaw-an sa pagpakigkombati ning giatubang tang krisis. Ug ang ilang kahuyang gilupig sa iyang kalig-on.

Hinungdan, nga padayong naglihok ang inadlaw’ng kapanginabuhian taliwala sa nagakamangtas nga COVID-19 Delta variant ubos sa istriktong order ni Gob. Gwen nga kinahanglang sundon gayod ang naandang health protocols para sa kaayohan sa tanan.

Usab mipanday siyag balaod alang sa tanang drayber ug konduktor sa mga PUV. Nga gawas sa facemask ug face shield, pasul-obon pod silag air purifier necklace sa ilang pagbiyahe. Buwahan, mahatagag dugang proteksiyon ang mga pasahero batok sa mananakod nga kagaw.

Daghan ang mipalag. Kay samtang ang DOH wala morekomendar niini sanglit wala kuno kini pulos, unya nganong ipamugos pa man sa gobernador? Dili ba, nagkahulogan lamang kinig laing galastohan sa mga pobreng hingtungdan?

Agig tubag sa mga reklamo, hugtanong namahayag si Gob Gwen. Nga kon wala pay pulos ang personal air purifier, nganong gipasul-ob man sa DOH si Presidente Duterte ug ubang senador niini? Dili ba, may katungod sab siyang ipakuwentas kini sa mga drayber ug konduktor agig dugang depensa? May punto sab!

Hinuon, giklaro ni Gob Gwen sa iyang kamandoan. Nga dili mga drayber ug konduktor ang mopalit og personal air purifier. Kondili, ang mga PUV operator maoy mo-provide nila. Unta, walay operator nga sa tago, pabayron ang drayber ug konduktor pinaagi sa hinayhinayng pagkaltas sa ilang suweldo.

GWEN GARCIA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with