_banat
^

Banat Opinyon

Nganong gipahimugso man ang tawo?

MGA LAMAS SA KINABUHI - Fr. Rey Cui - Banat

Nahimo akong busy sa akong pagpangandam sa usa ka birthday. Sa tinud-anay lang gyud, dili kaayo ko particular sa akong birthday. Duna man gani higayon nga dili lang gyud ko mag-atiman niini. Alang nako ang mahinungdanon maayo lang ko og panglawas.

Malipay na gyud ko ana. Mohatag ra pud ko og budget sa mga sakop sa pamilya nga magsaulog sa ilang adlaw nga natawhan. Lisud man pud nga mopasiugda kita og kasaulogan nga wala diay nila mauyoni.

Apan lahi alang kang Mama Maria. Yano man tuod apan kinahanglang pangandaman kini, sayod kita nga siya baya ang kinakusgan. Sa ubos nakong pamalandong sa piyesta sa pagkatawo sa atong Mahal nga Inahan akong nakita nga matag tawo gihimugso gyud alang sa usa ka linain nga katuyoan ug tumong. Walay tawo nga gipahimugso nga sulagma lamang.

Ang maong tumong naglambigit ning mosunod:

1.  Ang paghigugma sa Dios. Sama ni Maria bisan sayud siya sa dakong risgo nga masakpan siya nga mabdos nga dili kasal. Nagkahulogan man kini og kamatayon. Apan bisan pa man niini padayon siyang misanong sa tawag sa Dios alang sa linain nga katuyoan, manggihatagon siyang nisanong niini sa dihang niingon siya: “Matuman unta dinhi kanako sumala sa imong pulong!”

2.  Ang Pag-alagad sa Dios. Diha sa kahilom sa ilang private life sa Nazareth ang atong mahal nga inahan miatiman sa iyang banay isip asawa ug inahan.

Kun sa unsang paagi niya kini gihimo wala tay igong kasayoran apan seguro kita nga gihimo niya kini diha sa gugma ug pinaagi sa gugma. Ang pinakadakong sanglitanan sa pagpangalagad nga gipakita ni Maria mao man ang iyang pagtindog sa tiilan sa Krus samtang gisud-ong niya ang iyang anak nga nagtinga.

3.  Ang Pagkahiusa ngadto sa Dios. Mao kini ang pangandoy sa matag kalag ug linalang sa Dios nga unta sa katapusan kita mahiusa sa atong magbubuhat.

Ang impiyerno sakit ug usa ka dakong silot tungod kay kun ugaling kita maadto didto kita mamahimong mahikawan sa presensiya sa Dios ug  kini mao ang pinakasakit nga kamatuoran.

Salamat Mama Maria sa dakong kahigayonan nga nahimong salamin ang imong sanglitanan sa akong panaw sa kinabuhi. Dili man tuod nako  masunod ang tanan apan Salamat kaayo sa imong kanunay nga panalipod.

BIRTHDAY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with