Afata! Maabli ka!

Septiyembre 5, 2021: Ikakawhaag-tulo nga Domingo sulod sa tuig

Mga Pagbasa: Is. 35;4-7/Sal. 146/San. 2;1-5/Mk. 7;31-37

Kini ang gibuhiang pulong ni Jesus sa dihang giayo niya ang tawo nga bungol ug amang. Kabahin kini sa mga healing miracles sa atong Ginoo nga niadtong panahona, giduol og daghang mga masakiton ug mga nagkalisudlisod.

Nagkinahanglan og kaayohan, nagkinahanglan og kahupayan. Kini ang hinungdan nga nibati og tumang kalooy si Jesus kanila nga nagkinahanglan og kaayohan. Mao kini ang nakapahimo kaniyang bantugan ug  kini maoy nakapahimo kaniya nga pinangita sa kadaghanan.

Unsay epekto ini sa mga hingtungdan? Sa pag-ayo ni Jesus kanila iyang:

1. Giuli sila sa naandang kutay sa tawhanong kalambigitan. Ang ilang sakit maoy nakapahimulag kanila. Sama pananglit sa sanlahon nahimulag ug sa dihang naayo nauli sa katilingban.

Ang bungol ug amang nahibalik sa kutay sa kukabildo kay ang maong kahimtang nga mao ang bungol ug amang nga kahimtang usa man ka dakong babag.

2.  Gibalik ni Jesus ang bili nila ingon nga tawo. Ang balatian man gud usahay maoy hinungdan kun nganong dunay mga tawo nga idan-ok ka sa hilit kay lagi nahimo kang hulga kunohay sa ilang panlawas.

3. Gipakita ni Jesus atong Ginoo nga ang atong kaluwasan dili lang sa kalag kondili sa lawas usab.

Ang pag-ingon nga Efata! Maabli ka! Nagdapit man kanato usab nga kun mahimo:

1. Ablihan nato ang atong mga hunahuna ug kasingkasing sa yangongo sa mga nanginahanglan.

2. Paglibkas sa dilang nahikot sa mga mapahimuslanong pagpugong sa Right of Speech nga maghatag og hustong impormasyon nga gikinahanglan sa kadaghanan.

Efata! Maabli unta ang kadaghanan sa atong hunahuna nga ning mga panahona karon, anaa kita sa dakong kangitngitan!