_banat
^

Banat Opinyon

EDITORYAL - Paghuot sa Carbon Market

Banat
EDITORYAL - Paghuot sa Carbon Market

Ang Cebu City maoy dunay kinadakoan nga merkado publiko tibuok lalawigan. Halos tanang abot sa mga umahan ug kadagatan sa palibot niini ug bisan sa mga sikbit nga mga probinsya anha ibaligya ug mapalit sa mga konsumidor.

Karong dunay pandemiya gikinahanglan magamping tanan, gikan sa mga vendors ngadto na sa tanang kumprador ug uban pang nanginabuhi sa Carbon.

Sa wala pa kining pandemiya dili na ikatingala ang pagdasok sa mga tawo, apan karon, bisan dunay Covid-19 ug ubos sa modified enhanced community quarantine ang Cebu City naghuot man gihapon nga hangtud karon daw naglisod pagpangita og solusyon ang mga gitahasan sa pagdumala sa Carbon.

Usa sa mga hinungdan sa paghuot sa mga tawo ilabi na diha sa karsada mao kining mga karomata ug e-bikes nga anha gyud sa tunga sa karsada moparada kay nagpaabot og karga o pasahero.

Gamay lang untang disiplina, dili unta sila moparking sa gamay na kaayong nahibilin sa karsada aron malutsan sa mga sakyanan ug sa mga tawo ug dili maghuot.

Makapahibulong sab nga kanunay man unta silang gibadlong apan hangtud karon ang mga mamadlong lang man gihapon ilang bantayan.

Kini tungod kay sila mismo kulang sa disiplina kay pulos makabentaha sa mga kauban nilang namasada sab.

Ang disiplina ra gyud sa kaugalingon ug pagbati para sa nasud o katilingban maoy kulang. Kay bisan nakahibalo silang sayop ilaha gyung buhaton tungod sa kinaiyang “bawal lang ni kung masakpan.”

Kun ingon niini ang kinaiya sa mga namasahero sa Carbon Public Market walay mahitabong kausaban bisag unsaon pa sa pagbantay sa mga otoridad, tungod kay mismo ang mga hinungdan sa problema di man gyud gustong magusab.

Wala man tuod pagtuon nga nag-ingong ang pagsaka karon sa mga kaso sa Covid-19 dinhi sa Sugbu tungod sa pagdasok sa mga tawo sa maong merkado, apan dunay posibilidad.

Pangitaan unta kini og paagi sa Market Operations Division nga masulbad. Apan dili na unta sa “punitive” lang nga paagi kundili “corrective solution” sab.

Mahinong pabutangan sila og terminal nga tultolon sa mga pasahero, aning paagiha moluag gyud ang karsada sa maong merkado ug matuman ang social distancing.

CARBON MARKET
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with