_banat
^

Banat Opinyon

EDITORYAL - Pahuway sa mga bata

Banat
EDITORYAL - Pahuway sa  mga bata

Naobserbahan kagahapong adlawa, adlaw nga Domingo Agosto 1 unang adlaw sa subling pagbutang og balik sa Cebu City ug ubang siyudad sa Metro Cebu sa modified enhanced community quarantine (MECQ) nga nimenus gyud ang mga tawo nga migawas-gawas sa balay.

Kung sa nangagi pa ni nga Domingo sud sa wala pa gibalik sa MECQ ang Sugbu, nagsugwak na sab tingali ang mga tawo diha sa mga plaza, sa mga baybayon sa dagat, ug uban pang mga malaagan sa mga tawo.

Tinuod kapoy na kaayo paminawon ug luoy na ang mga kabataan nga nagsige lang pundo diha sa ilang mga panimalay sukad pa sa miaging tuig tungod aning pandemiya.  Tungod kay nagtan-aw sab sa kaayohan sa pagtubo sa mga kabataan ang gobiyerno gitugtan na silang makagawas.

Apan nakita nga human giluagan ang mga restriksyon ug gitugtan ang mga kabataan gikan 5-anyos hangtud 17 anyos nga makagawas nagsige naman hinuon sila og laag-laag ug maabot na sa lagyong mga lugar.

Ang resulta, dunay uban kanila ang nataptan sa virus ug nadala kini sa ilang pagpauli sa ilang balay ug didto nakatakod sa ilang mga edaran, masakiton nga miyembro sa pamilya. Karon giawhag ni Cebu City acting mayor Michael Rama ang mga ginikanan nga sila mismo maoy mopatuman og household lockdown sa ilang mga panimalay ug kontrolon ilang mga kabataan ug miyembro sa pamilya.

Mas maayong palabihon lang una ang kaluwasan sa kadaghanan sa pagkakaron kay kalit kaayo kining pagsaka ang mga kaso sa Covid-19 ug naa na say mas bangis nga delta variant.

Bisan ang DOH-7 nakalitan aning paspas nga pagsaka sa mga kaso bisan sa mga lugar nga wala kaayoy mga kaso kaniadto. Nasuta nga nakasud na diay ang delta variant dinhi nga sumala pa sa mga eksperto kinapaspasan kaayong motakod sa tawo.

Nasubay ug na-isolate na kadtong mga nataptan apan base sa kasinatian sa nangaging mga buwan naa gyuy pipila nga  wala maapil ug mao na say nagsige og panakod, busa dili gyud maayong magkompiyansa.

Bisag unsa pa kahigpit nga quarantine protocol basta dili lang gyud hunongon ang transportasyon ug pangsirad-an ang mga negosyo di kaayo ikasakit sa publiko.

MECQ
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with