_banat
^

Banat Opinyon

Pagpinasayloay makahupay

JAV BANATI - Javier Yntig Tapulado - Banat

Padayong nag-atubang og dakong krisis ang atong nasod karon. Daw nabun-og na kaayog hinunahuna ang atong gobiyerno unsay epektibong paagi ug hinigiban ang makabuntog niining malditong COVID-19 nga bisag naa nay mga bakunang naimbento para maprotektahan ang katawhan, nagkaanam man gihapon pagtaas ug kadaghan ang nangatakdan.

Mga ospital puno na. Mga punenariya naalarma na. Ug mga sementeryo, halos wala nay luna kalubngan.

Kaanugon sa grabeng pagpaningkamot ni Cebu Governor Gwen Garcia ug sa mga mayor sa tri-cities sa Sugbo, kinsa nangita ug miimplementar og mga paaging makabangon ang tabangonon tang ekonomiya, nga wala suportahig todo sa tanang Sugboanon.

Pipila ba ka bar and restaurant ang nasakpang mipahigayog sekretong eklusibong kalingawan nga mibali-wala na lang sa health protocols?

Usab daghang pamilya ang dili na mahadlok mopahigayog party sa ilang panimalay uban sa mga imbitadong kahigalaan ug kaparyentihan. Diin, dili kalikayan ang inom, kaon, istorya’g kantakanta, diin ang facemask ug social distancing nawala na.

Niining bag-o, nag-viral sa social media ang makapainteresadong video nga gi-post sa on-line seller og mga pagkaon, kinsa naguol kay dili bayrag husto sa mi-order niya’g food package nga mao ang tag-iya sa balay, kinsa mipahigayog birthday celebration uban sa mga higala.

Segun sa ilang gikasabotan, P19K ang kinatibuk-ang bayranan sa food package nga good for 50-60 persons. Ang miorder, nakadeposito nag P9K. Busa, may kulang pang P10K. Pero dihang nahatod na ang order, unya nakan-an pa, miingon ang mi-order nga dili siya mobayad og husto kay gamay ra ang pagkaon.

Dinhi magsugod ang init nilang panaglalis nga gipa-Raffy Tulfo sa seller ug misangko ngadto sa kinihaay. Ang miorder pay nangusog nga ikiha gyud niya ang seller kay naulawan kuno pag-ayo ilang pamilya tungod niini.

Gitambagan ang duha ni Raffy nga magpinasayloay na lang. Kay sa acceptance fee pa lang sa abogado, P25K-P100K nay magasto sa kliyente.

Pero nangugat ang adunahang buyer. Mokiha gyod siya. Pastilan, no?

Hain bay mas dako: ang balanseng P10K, o ang attorney’s fee?

Usahay, tungod sa garbo mawala ang hustong kuwentada sa tawo hain ang mas maayo ug mas dako: ang pagdumot ba nga makalaglag sa kalag, o ang pagpinasayloay nga sa kasingkasing makahumpay ug sa Ginoo makalipay?

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with