_banat
^

Banat Opinyon

Wala makat-on

LINTUNGANAY - Fred P. Languido - Banat

Sugod karon, Agosto 1, hangtud sa petsa 15 ubos na usab sa mas estrikto nga modified enhanced community quarantine ang dakbayan sa Sugbo ug ang tibuok probinsiya nunot sa pagsaka sa mga kaso sa COVID-19.

Ang mga opisyal sa Sugbo, lakip sa mga mayor sa kalungsoran ug mga dakbayan, pinangulohan ni Gobernador Gwendolyn Garcia, nagtinguha unta nga moapelar sa desisyon sa Inter-Agency Task Force (IATF) apan nagkauyon human sa tigom nga gipatawag ni Presidential Assistant for the Visayas Michael Dino niadtong Biyernes sa gabii nga mosunod nalang sa kamandoan.

Kini taliwa sa ilang kabalaka nga maapektohan ang inanay nga pagbangon sa ekonomiya sa Sugbo gikan sa epekto sa unang mga lockdown nga gipatuman sa nasudnong kagamhanan tungod sa nagpadayong pademiya.

Ang mga negosyante mipadayag usab sa ilang kahingawa sa seguradong epekto sa pagpaubos og balik sa Sugbo sa MECQ. Alang sa mga negosyante wala ni kinahanglana.

Ilang sugyot, pahugtan ang pagpatuman sa health protocols ug himoon ang granular lockdowns sa mga dapit sityo nga taas ang kaso sa COVID.

Hapit na moduha ka tuig ang pandemiya apan hangtud ron wala pa gihapon makat-on ang nasudnong kagamhanan unsay maayong paagi pagtubag sa krisis nga dili kinahanglang isakripisyo sa hingpit ang ekonomiya. Sukad sa unang pasulbong sa mga kaso sa COVID dinhi sa nasud niadtong unang bahin sa 2020 hangtud karon gipatuman sa gobiyerno ang ratsada nga lockdown sa tibuok lungsod, syudad, ug probinsiya nga taas ang kaso sa COVID sa way pagtan-aw ug pagtuon hain gyud dapita maggikan ang mga kaso.

Pananglitan ang pagpaubos sa tibuok probinsiya sa Sugbo sa MECQ bisan pipila lang sa kapin sa 50 ka mga lungsod ug component cities niini ang dunay pagsaka sa mga kaso makaangin sa ekonomiya sa tibuok lalawigan.

Bisan dinhi sa dakbayan sa Sugbo, dili tanan sa 80 ka mga barangay ang dunay pagsulbong sa kaso. Apan kun ibutang sa MECQ ang tibuok dakbayan mapagan ang tibuok syudad. Husto ang baruganan nilang Gobernador Garcia ug sa mga negosyante nga inay iratsada, mas maayong granular lockdown ang himuon.

Gawas niini angayang hingusgan usab sa DOH ang testing, contact tracing ug ang pagpamakuna. Kini maoy tulo ka haligi sa epektibong pagsanta sa pagkaylap sa maong sakit.

Kun nakabantay mo dugay gihapon kaayo ang resulta sa mga test sa DOH ug kadudahan sab unsa ka epekto ilang contact tracing.

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with