_banat
^

Banat Opinyon

Isumbong ni Kuya!

BALITAHOM - Atty. Jose Marie N. Poblete - Banat

Gipahiuli na ni Presidente Duterte ang kasabotan mahitungod sa pagtugot sa presensiya sa mga US Troops dinhi sa Pilipinas, lakang nga nagbalit-ad sa iyang kanhi desisyon pagsalikway sa VFA  nga nakahatag ug kabalaka sa mga opisyales sa Washington ug Manila.  Kini’ng kalamboan nakapaseguro nga makapahigayon na usab ang US ug Pilipinas sa ilang kinaham nga gubat-gubat.  Mahimo na usab nato’ng pikatan ang China kay anaa na ma’y ayuda sa Amerika.  Sama sa bata nga isog kaayo nakigharong sa mga sungogan nga kaduwa, mahimo na’ng moingon ang atong military nga, “Awaya ko kay isumbong ta ‘mo ni Kuya”.  Baya no!

Wala’y ‘purgas’ (Forecast)

Matud pa sa Israeli expert nga si Chalm Markos Rafalowski, pinasikad sa ilang kasinatian, mahimong ipahigayon ang luwas nga eleksyon karong Mayo 2022 taliwala sa pandemiya. Apan igo lang mipasalig si Sec. Duque nga makigtambayayong ang DOH sa COMELEC pagmugna’g mga lagda sa pagpahigayon sa eleksyon.  Pagkabulay-og na man jud.  Bisan sa dayag nga panig-ingnan ug kasinatian, moingon lang gihapon nga tun-an pa.  Matud pa bitaw sa usa ka magsusulat nga si Susan Elizabeth Phillips, “Wala’y mahitabo’ng kasaypanan, kon dili kakulang lang sa panglantaw”. Sa taga-Bantayan pa, “wala’y tarong nga purgas (forecast)”.  Pagkatoytoy!

Labaw pa sa ginoo???

Suspendihon sa COMELEC ang pagpangrehistro sa mga botante sa National Capital Region sa higayon nga ipaubos na kini sa ECQ.  Dili pa tino kon lugwayan ba unya ang voter’s registration sa maong lugar. Ginaingon nga ang pagbotar, sama sa pagsimba, usa ka balaanon’g katungdanan.  Kon gidili bisan ang relihiyoso’ng pagtapok-tapok atol sa ECQ, makatarunganon usab nga ihikling lang una ang voter’s registration.  Kon dili ihikling, labaw pa diay sa Ginoo ang mga politiko?  Madahaan!

“Go home to his body”

Ipa-ubos pagbalik ang Metro Manila ug ubang bahin sa nasud sa ECQ ug MECQ sa tuyo nga mapugngan ang pagkuyanap sa COVID-19 virus labi na sa labing mananakod nga Delta Variant niini.  Mapakgang na usab ang mga ekonomikanhong kalihokan ug mawad-a’g trabaho ang kadaghanan.  Mahibalik kita sa kalisdanan gumikan ra usab sa ato’ng kakanahan.  Matud pa sa akong silingan nga naningkamot pag-iningles, “The foolishness of a man, go home to his body” nga sa ato pa, “Ang kabu-ang sa tawo, pauli ra gyud sa iyang lawas”.  Fezteleern!

Atubangon ang kalisang

Matud pa sa CHR ang pagpugong sa pagbiya sa ilang panimalay niadto’ng wala mabakunahi moresulta sa dili makiangayon’g diskriminasyon, bisan pa man kon gitumong kini pagpugong sa pagkuyanap sa coronavirus.  Nagkada-iya ang rason ngano nga daghan pa ang wala mabakunahi, lakip na ang kakulang sa suplay.  Dili nato hingpit nga masaway ang pagpanghadlok sa gobyerno aron magpabakuna ang tanan.  Kay ginaingon bitaw nga “Ang tanan nato’ng gikinahanglan, ato-a mahimutang sa habig sa kahadlok”.  Busa atubangon ta ang atong kalisang.  Patuslok na!

VFA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with