_banat
^

Banat Opinyon

EDITORYAL - Daghan mang gud suhito

Ian B. Melecio - Banat
EDITORYAL - Daghan mang gud suhito

Naghigpit na karon ang tibuok Metro Cebu ug ang probinsya sa Sugbo aron estriktong tumanon sa mga tawo ang minimum health protocols ug mapugngan pag-usab ang pagsaka sa mga kaso sa coronavirus disease ilabi nga nakaabot na dinhi sa Visayas ang Delta variant.

Maayo kini tungod kay tinuod gyud nga sa nanglabay nga mga adlaw nagkaanam gyud og kalugak ang tawo sa pag-amping sa ilang kaugalingon ug posibleng mao kini ang hinungdan kun nganong nisaka ang mga kaso karon. Makita diha sa kadalanan ang mga tawo o mga kabataang wala na magsuot og facemask, face shields, ug wala na mag-social distancing. Samtang sa mga resorts, nagkaanam na sab og lugak ang mga tawo ug tagdumala.

Kining mga nanghitabo sa palibot pagbuot na kini sa mga tawo paghimo sa ilang gusto ug pagpakita sa ilang pagkamasinupakon ug pagpakaaron-ingnong mas nasuhito pa sa mga batid ug eksperto sa panglawas.

Sugod kagabii Julyo 30, nagbutang na og mga checkpoints sa mga dalan sa Cebu City aron mosusi sa mga motorista ug lakip na pribadong mga sakyanan kun nagsunod ba sila sa quarantine protocols.

Samtang maayo kining paghigpit diha sa kadalanan, mas labing maayo gyud unta kun diha mismo sa mga barangay, sa mga sudlonong bahin niini, dunay higpit nga pagpatrolyang himoon ang mga barangay officials.

Sila unta mismo mangunay kada adlaw sa pagrekorida ug pagbadlong sa mga badlongon bata man o tiguwang nga ilang konstituwente.

Tungod kay dili tanang dapit sa mga barangay maabot sa mga polis, mas maayong ang mga kapitan nalang maoy mohimo niini ug dili magsalig sa mga polis. Karong duna nay Delta variant sa Visayas, kinahanglang maninuod na ang mga lokal nga opisyales sa pagpasunod sa health protocols. Bahala pa og ikasuko kini kanila sa mga tawo.

Dili unta makaapektar kining umaabot nga piniliay sa ilang pagbuhat sa ilang tahas.

Ang uban nagduhaduha kay nahadlok nga matiman-an unya sila sa mga tawo unya dili na hinuon sila botaran sa umaabot nga eleksyon.

Kining bulilyaso sa gobiyerno sa pag-atubang aning pandemiya sa COVID-19 adto lang nakatutok sa nasudnong kagamhanan, pisik lang ang sa mga lokal nga kagamhanan.

SUGBO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with