_banat
^

Banat Opinyon

EDITORYAL - Naa ra sa tawo

Ian B. Melecio - Banat
EDITORYAL - Naa ra sa tawo

Kada adlaw napun-an ang mga kaso sa coronavirus dinhi sa nasud ilabina sa Sugbu maong lanog kaayo ang panawagan sa health experts sa gobiyerno paghimo og mga lakang mentras dili pa tanto grabe ang kahimtang.

Ang tanan nakatutok niining mas bangis nga coronavirus nga gitawag og Delta variant nga mao karoy nangharos panakod sa ubang mga nasud.

Duna nay kaso niini dinhi sa Pilipinas apan napugngan dayon nga makatakod sa uban.

Si Pres. Duterte mitugot na sa pagpaubos sa nakalainlaing lugar og di parehas quarantine level nga dunay lahilahi nga restriksyon. Dunay mga lugar nga gibutang sa modified enhanced community quarantine, dunay ECQ, dunay MGCQ depende sa ilang mga kaso ug kapasidad.

Nabantayan man gud nga ang tawo kung dili rendahan daw wala kahibalo kun unsay buhaton. Bisan dunay patakaran dili sundon tungod kay mas mopatuo sila kung dunay pisikal nga implimetasyon.

Sanglitanan niini kining 'stay home' policy ug uban pang health protocols, kung kutob estorya lang  palapson ra sa pikas dunggan.

Apan butangi og polis nga magpatrolya ug modakop niadtong mga malapason, dili ba motuldo sila. Ingon niana ang kinaiya sa mga tawo.

Dili na ikahiblulong kun nganong daghan na sab ang mga natakboyan sa maong sakit karong bulana human sa paglurang sa mga kaso sa nakalabay nga buwan.

Kaning transmisyon sa COVID-19 nakadepende sa kinaiya sa publiko, kun gahi og ulo ug ang polis ray gibantayan. Gikinahanglan mabuhi sa mga tawo maong mogawas sila ug manarbaho apan dili kini rason aron magpatara lang ang tawo nga matakdan.

Naa na karoy bakuna libre pa gyud, apan naa lang gihapoy mga diskumpiyado sa gobiyerno ug dili gustong magpabakuna.

Kaning pagsunod sa tawo sa health protocols ug pagpabakuna makaimpluwensiya sa mga desisyong buhaton sa gobiyerno mahitungod sa pandemiya.

DELTA VARIANT
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with