_banat
^

Banat Opinyon

Kong unsa ang punoan mao usab ang bunga

LABTIK - Alan P. Domingo - Banat

Atol sa usa ka anti-drug intervention program sa Cebu City Police Office ug sa Philippine Drug Enforcement Agency PDEA 7 sa pakig-alayon sa Cebu Office for Substance Abuse Prevention kon COSAP sa usa sa mga barangay sa dakbayan sa Sugbo, nahinabi nako ang usa ka inahan nga naapil sa listanan nga nalambigit sa illegal drugs.

Anaa sa 38 anyos pa siya apan duna nay dagko nga mga anak, 19 anyos, 16 anyos ug 12 anyos. Silang mag-inahan giapil sa listahan alang sa naasoy’ng programa. Abi nako og giubanan ra nila ang ilang inahan apan apil gyud diay sa programa kay nalambigit silang tanan sa illegal drugs.

Miangkon ang inahan nga nasayod siya sa binuhatan sa iyang mga anak tungod kuno kay nadala sa barkada maong nadani sa pagbisyo sa illegal drugas. Apan sa sige na namo og estorya, nakugang ako sa nasayran gikan mismo niya nga apil pud diay siya sa nga mogamit sa illegal nga drugas "like mother like children"

Dili na ikahibulong nga nag-adik adik ang mga anak kay mao man ang ilang nakita sa ilang mga ginikanan, ang amahan diay ni tua sa bilanggoan sa kaso sa illegal drugs.

Matud gani sa inahan nga atubangan sa ilang mga anak kaniadto mogamit siya ug iyang bana sa drugas maong gisundog pud sa mga bata.

Sa ilang pagpuyo lisod gyud kaayo kay nanginabuhi ang inahan sa pagpamasura apilan pa og bisyo sa shabu. Unsa nalay gama nila, guba gyud kaayo imbis bugas, drugas man ang ilang gigahinan sa ginagmay’ng kita.

Dili lang gani sa paggamit kon dili sa pagpamaligya usahay kay lagi wala may laing trabaho ug aron mabuhi ug makasustiner sa bisyo mosugot nalang og sugoon nga mamaligya og shabu.

Sa operasyon nga gilusad sa kapolisan ug PDEA sa Barangay Calamba, ubay-ubay usab sila og misurender nga gitapok sa sa barangay gym alang sa profiling dayon ang drug test.

Mokabat sa 43 ka mga tawo ang nagpositibo sa illegal drugs, apil na ang minor de edad. Wala hinuon maklaro kon ang anak ba sa akon nahinabi ang nagpositibo.

Usa sa gipasalig sa presidente kaniadto nga sumpoon ang illegal drus sa hamubo nga panahon apan hangtod karon nga hapit na mahuman ang termino nagpadayon gihapon.

Masulbad pa kaha kini? Mismo ang mga ginikanan makig-jamming naman sa ilang mga anak sa bisyo nga gihimong family bonding.

PDEA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with