_banat
^

Banat Opinyon

Qualified na kuno nga ma-siyudad ang Liloan ug Minglanilla

SENIOR CITIZEN - Antolin dela Serna - Banat

Duna koy amigong senior citizen akong gipangutana bahin niining giingon nga mo-qualify na kuno sa pagka-siyudad ang mga lungsod sa Liloan ug Minglanilla.

Matud niya, nindot paminawon, apan, maka-afford ba unya ang maong mga lungsod sa moumento nga galastuan, sama sa mga sweldo unya sa mga opisyales kawani sa gobiyerno. Unya, isip usa na ka siyudad, magtuod gayud og dugang mga buhatan o mga departamento. Sa ato pa, dugang galastuan.

Aduna ba unya kunoy corresponding nga usbaw sa income aron makatubag sa dugang galastuan? Kini, matud niya, gikinahanglan nga dugangan ug patas-on ang buluhisan.

Iyang tan-aw, ang mabulahan niini, mao ra unya ang mga opisyales ug kawani sa gobiyerno. Apan, alang sa mga yanong lungsoranon, ang mga taxpayers in general, unya may ilang maani kon ma-siyudad na ang ilang lungsod?

Kabalaka kini sa usa ka senior citizen nga alang kaniya, maoy unahon pagtimbang-timbang ang income sa lungsod, dili kay ang population ray ilang basihan aron mo-qualify nga mamahimong dakbayan.

Sa nahisgutang mga lungsod, pananglitan, unsa may mga dagkong industriya ug patigayon nga anaa sa maong mga lungsod nga makabayad og dakung buhis, ug makahatag og daghang job opportunities ngadto sa mga molupiyo sa maong mga lungsod.

Akong tan-aw, medyo husto kining kabalaka sa akong higala. Daghan baya kaayong mga lungsod nga nahimong siyudad sa tibuok nasud, nga hinay kaayo ang pag-uswag, hinay ang progress.

Lahi sa Lapu-Lapu City, pananglitan, nga anaa ang sa airport ; mga taytayan nga nagdugtong sa mainland Cebu ug Mactan; mga mahalon nga beach resorts ug mga 5-star hotels; mga industriya ug mga dagkung patigayon; anaa ang export processing zone, ug daghan pang mga dagkung commercial ug industrial establishments nga pinaagi sa buhis ug panghatag og kahigayonan sa panarbaho, makatabang kaayo sa pagpalambo sa dakbayan.

Niining atong gihisgotan dinhi, unsa may anaa sa mga lungsod sa Liloan ug Minglanilla? Ang taklobo sa Liloan? Sugyot sa akong higala nga senior citizen (sa ato pa dugay-dugay na siya ning kalibotana), nga ang una nilang buhaton, dili ang pagpadaghan sa population, kay sayon ra kaayo ni, kundili, ang pag-attract sa mga dagkung patigayon ug industriya ngadto sa ilang lungsod.

Anyway, kay ni-qualify na man ang mga lungsod sa Liloan ug Minglanilla nga mamahimong siyudad, maghuwat na lang ta sa dugang kalamboan. Sa mga tambay pa, “let us to wait and see.” 

* * *

Unsa na ni, ang DOH nagpdayon pa sa ilang mga pagtuon kon gikinahanglan pa ba ang ‘booster shot’ ngadto sa mga nabakunahan sa Sinovac. Sa ato pa, third dose?

Atong kutluon kining gikan sa Philippine Star: “The Vaccine Expert Panel (VEP) is studying whether people administered with Sinovac vaccine should be given booster shots to strengthen their protection against COVID,” matud ni Health Secretary Francisco Duque III.

Apan, matud niya, kon irekomendar man kini sa VEP, dili alang sa general population, kon dili kadto dang na-“ immunocompromised.” Unsa man ni?

Ania: “The DOH defined immunocompromised as those with autoimmune disease, HIV, cancer patients currently undergoing immunosuppressive therapy, transplant patients, those undergoing steroid treatment and patients who are bedridden or with a poor prognosis.”

SENIOR CITIZEN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with