_banat
^

Banat Opinyon

Kalamposan ug kapakyasan

AMBOT LANG - Gerry Auxilio - Banat

Human sa 97 ka tuig nga pagsalmot sa Pilipinas sa Olympics natambalan na gayod ang kauhaw niini sa medalyang bulawan pinaagi sa kadaugan ni Hidilyn Diaz nga nahimong kampiyon sa Weightlifting sa gipahigayon nga Olympics sa nasud nga Japan. Si Hidilyn nagkampiyon human niya gialsa ang 127 ka kilo nga puthaw nga katumbas sa sobra duha ka sako ug tunga nga bugas.

Tungod ning maong kalamposan madawat ni Hidilyn gikan sa nasudnon ug lokal nga kagamhanan ingon man sa mga pribadong kompanya ug individual ang sobra sa P34 milyones  nga reward nga salapi ug balay ug yuta.

Apan dili sayon ang nakab-ot nga kalamposan ni Hidilyn. Daghan siyang naagian nga kalisdanan sa iyang pagpangandam sa Olympics sama sa kakuwang sa salapi, COVID-19 ug ang paglambigit ni kanhi Presidential Spokesman Atty. Salvador Panelo sa iyang pangalan sa oust Duterte matrix nga iyang gipanghimakak ug gikasakit.

Hinuon human maghatag og garbo sa Pilipinas gipanghimakak ni Panelo ang paglambigit sa pangalan ni Hidilyn sa Oust Duterte matrix. Iyang gipasa ang pasangil ngadto sa mga sakop sa media nga iyang giingon nasayop lang sa pagsabot sa iyang gipakitang matrix.

* * *

Giangkon ni Presidente Rodrigo Roa Duterte sa iyang ikaunom ug kataposang State of the Nation Address (SONA) nga napakyas siya sa iyang saad nga wagtangon ang suliran sa corruption dinhi sa nasud. Hinungdan nga iyang gisugyot ngadto sa mosunod kaniya nga presidente nga kun gusto man niining wagtangon ang suliran sa korapsyon kinahanglan nga magdeklarar kini og balaud militar ug tangtangon ang tanan nga nagtrabaho sa gobiyerno ug ilisan og bag-o.

Ang dakong problema kun ang ipuli mas kurakot pa unya sa ilang gipolihan. Sa nasud nga nahimo nang kultora sa mga tawo ang korapsyon dilli na sayon ang pagpangita og ligdong ug matinud-anon nga alagad sa katawhan.

Ang pagtangtang sa tanang nagtrabaho sa gobiyerno aron malimpiyohan kini sa korapsyon dili maghatag nato og kaseguroan nga ang mapuli limpiyo. Kun ako lang, ang tubag sa suliran sa korapsyon rebolusyon ug dili balaud militar.  Ang rebolusyon nga akong gipasabot dili rebolusyon nga gamit ang armas kun dili rebolusyong kultoral.

OLYMPICS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with