_banat
^

Banat Opinyon

Puyo sa balay!

RENBOR PATROL - Rene U. Borromeo - Banat

wAng katawhan dinhi sa siyudad giawhag ni Cebu City acting Mayor Mike Rama nga dili sila maglaag-laag gawas lang kon may importante silang lakaw.

Ang tumong niini aron nga makatabang usab ang katawhan nga dili sila matakdan og virus nga makapasamot sa problema.

Karon, pasirad-an na pagbalik ang mga imnanan tungod kay misaka na pagbalik ang gidaghanon sa mga COVID-19 cases dinhi sa Cebu City.

Tungod niini, gimando ni Rama nga pasirad-an na usab ang mga imanan. Nagpasabot nga daghan na usab nga mga empliyado ang mawad-an og trabaho.

Kon ibalik na usab kita sa estrikto nga matang sa quarantine level, ug sirad-an ang mga balay patigayon, aw kitang tanan gyud apektado.

Sultian ko kamo, ang kagamhanan hurot-hurot na ra ba ang kwarta. Sa ato pa, dili na kaayo kini makahatag nato og suporta.

Busa, kitang tanan unta magtinabangay aron nga malikayan ang pagsaka sa gidaghanon sa mga matakdan og virus dinhi sa Cebu.

Matud ni Rama nga dunay responsibilidad ang head sa pamilya nga diha pa lang sa ilang balay, i-lockdown na sila ang iyang mga sakop.

Sa ato pa, dili na niya tugotan ang iyang mga sakop nga maglaroy-laroy gawas sa balay nga way mahinungdanong katuyoan.

Unya, ang mga opisyal sa kabarangayan, kinahanglang mogamit sa ilang mga tanod aron nga ipatuman ang paghigpit sa paggawas sa kabalayan nga way igong rason.

Tan-aw nako, moabot ang higayon karong pila ka adlaw, nga imando ni Presidente Duterte ang pag-estrikto sa atong quarantine level sa nasud, ug maayo lang unta nga dili kita maapil sa Sugbo

* * *

Tan-aw nako, sayop ang hukom ni Lapu-Lapu City Mayor Junard “Ahong” Chan nga dili pasudlon sa mga public ug private markets, mga botika, malls ug department stores, ang mga wa pa mabakunahi.

Pangutan-on nato si Mayor Chan kon pila na ba ka percentage sa mga lumolupyo sa Lapu-Lapu ang nabakunahan?

Kon daghan pa gani kaayo ang wa mabakunahi, angay nimong sutaon kon ngano nga wa sila mabakunahi, ila ba nga kagustohan o kaha nagkuwang ang kagamhanan sa bakuna?

Pananglit gusto sila nga magpabakuna apan ang rason nga wala sila mabakunahi mao nga kuwang ang vaccines, maisip nga pagpanaug-daog ang kamandoan nga sila dili pasudlon sa mga merkado ug malls.

Bi, hinuktoki kuno mayor Chan kay daghan kaayo ang nakasaway sa imong nahukman nga matud pa ipatuman nimo sugod Agosto 25.

Gawas lang tingali kon makapasalig ka nga inigka Agosto 25, ang tanang taga Lapu-Lapu kompleto na sila nga mabakunahan.

MIKE RAMA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with