Mao kini ang gibuhiang mga pulong ni Mam sa dihang gipaningil siya sa iyang kuwang sa food package nga iyang gi-order.
Nahimo siyang trending sa FB ug sa mga netizens. Nakadawat siya og daghang mga negatibong komentaryo.
Ang nigawas niini mao nga sila mismo ang mo-determine sa presyo sa pagkaon ug dili ang nagbaligya nga maoy nag-deliver niini aron sa ingon mamahimong magmakahuloganon ang ilang party.
Dunay mga tinubagay, lalisay ug uban pang mga panghimaraotay. Apan ang key word mao man: “Dili worth It!”
Dili worth it ang maong buhat tungod kay hagbay ra silang nagkasinabot. Managsama silang nasayod sa kinaiya sa maong transaksiyon.
Anaa ang kawalay pagsinabtanay. Kini tungod kay ang wala pud tan-awa ni Madam ang presyo sa mga palaliton ning tungora apil na ang kahago ug risgo sa pagdeliver sa mga produkto. Sa laing bahin, nahimong daw uso na karon ang pulong nga dili worth it.
Dili worth it ang kamatuoran nga hangtod karon anaa gihapon ang mga tawo nga padayong manglamang sa ilang isig kaingon.
Linugdangan kini sa heritage og smallness nga usahay atong giromanticize ingon nga mga Pilipino.
Mao nga kutob na lang kita sa mga teary ug mga sad emojis ug kun anaa kita sa kinapungkayan sa atong kalagot ang mga angry emojis.
Dili worth it nga padayonon ang maong balansayon kay kun kini ang magdaghan, mamahimong idlas ang respeto sa usag usa.