_banat
^

Banat Opinyon

Daluz basin mag-mayor

RENBOR PATROL - Rene U. Borromeo - Banat

Sibaw kaayo karon ang awhag nga si kanhi Cebu City Councilor Jose Daluz III padaganon sa pagka mayor dinhi sa siyudad sa Sugbo sa eleksyon sunod tuig.

Kon si Daluz, nga usa ka abogado, modawat sa pag-awhag kaniya, siya ug si Cebu City Councilor Raymond Alvin Garcia ang mag-tandem.

Nahibulong ko kay nagkauyon na man unta ang grupo nga KUSUG, Panaghiusa ug BARUG, nga si Vice Mayor Michael Rama ang ilang suportahan pagka mayor ug si Garcia ang bise.

Aw hinuon, dihang, gikauyonan nga ang tandem nila ni Rama ug Garcia maoy suportahan sa nagkahiusa nga partido, wa makatambong si Rama.

Nasayran nako nga dili diay gusto si Rama nga ang iyang bise mayor mao si Garcia, kay ang iyang gusto nga ika-tandem mao si Konsehal Dondon Hontiveros.

Para kanako, haum baya si Garcia kay abogado ug suheto na sa pagdumala og kagamhanan. Si Hontiveros mora’g dili pa kaayo bansay.

Tungod niini, dunay misugyot nga kon dili gyud makadawat si Rama kang Garcia, maayo pa og awhagon nila si Daluz nga maoy mag-mayor ug bise niya si Garcia.

Kon kini mahitabo, dili maayo alang sa ilang grupo kay maisip man nga mabuak ang ilang mga supporters sa pagpili, ug basin og malupig sila sa kaatbang.

Sigurado ko nga kon kini madayon, magngisi na daan ug basin magpa-imprinta na daan og invitation alang sa victory party ang BOPK.

Busa, mas maayo gyud nga hiloton nila pagdali kini nga isyu, ug si Rama modawat ni Garcia nga maoy iyang bise.

Gihinabi nako si Daluz ug matud niya, maayong buhaton ni Rama ang paghukom dayon.

Basin kuno og mohukom na si Inday Sara Duterte nga modagan pagka presidente, unya siya maoy ituboy nga kandidato pagka mayor, basin di na siya makabalibad.

Si City Administrator Floro Casas usa sa nangusog pagtuboy ni Daluz nga mokandidato pagka mayor. Nakadungog ra ba ko nga kini si Atty. Casas suod kaayo ni sa bana ni Inday Sara.

Sa ato pa, dili imposible nga si Daluz maoy ituboy ni Inday Sara nga mag-mayor sa siyudad. Matud ni Daluz nga kon mohukom dayon si Rama nga iyang i-tandem si Garcia, basin og mahilot mahilot ra ang isyu.

Busa ang akong tambag ni Rama nga modeklarar na siya nga si Garcia maoy iyang himoong kandidato pagka bise mayor.

Sa BOPK, ambot kinsa kaha ang mag-mayor. May tabi-tabi nga mobalik si kanhi mayor Tomas Osmeña paglansar, apan may nag-ingon sab nga si Kongresista Bebot Abellanosa.

Nadunggan nako nga may problema sab sa BOPK kay dunay ilang mga kauban nga way maayong pagtinagdanay.

JOSE DALUZ III
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with