_banat
^

Banat Opinyon

EDITORYAL - Dili layo nga mag-lockdown

Banat
EDITORYAL - Dili layo nga mag-lockdown

Tungod sa padayong pagsaka sa mga kaso sa coronavirus sa bisan asang dapita karon sa nasud, dako kaayo ang tsansang daghang mga lugar lakip na dinhi sa Sugbu ang mobalik sa higpit nga quarantine restrictions, samot na nga duna nay Delta variant.

Dinhi sa Sugbu, ang lungsod sa Samboan nipatuman na og lockdown sa ilang lungsod nunot sa pagsaka sa mga kaso didto. Gani ang ilang police station mismo hasta ang munisipyo gi-lockdown sab tungod sa kadaghan sa mga nataptan sa maong sakit.

Dinhi sa Cebu City, nabantayan na ang pagsaka sa mga kaso sud na sa usa ka semana nga moabot na og tag kapin 100 matag adlaw.

Samtang tuod og daghan na ang nabakunahan, apan mas daghan pa ang wala mahatagi bisan og unang dose. Apil niini ang mga senior citizens ug mga masakiton o comorbidities.

Kung dili mahunong kining pagsaka sa mga kaso sa mosunod pang mga adlaw dako kaayo ang purohang ibalik ang higpit nga quarantine restrictions dinhi sa Sugbu sama sa gibuhat sa mga mayor didto sa Metro Manila ug sa National Capital Region.

Dili unta kalimtan sa mga tawon ang kahasol ug kalisdanan nga ilang naagian sa tuig 2020 sa dihang higpit ang pagpatuman sa quarantine restrictions. Daghan ang nawad-an og trabaho ug gigutom.

Makaguol kaayo kay bisan pa niining hulga, kumpiyansa gihapon kaayo ang mga tawo nga maglaruy-laroy sa gawas sa ilang balay ug daghan ang wala na magsuot og facemask abi kay silingan ra o mga kaparyentihan ilang katabi sa gawas.

Subo sab pamalandungon nga bisan ang mga barangay officials ug mga tanod wala ra sab kaayo maalarma ning sitwasyona imbes nga mas aktibo unta silang magrekorida ug pagpahibalo bahin sa hulga ug sa mga angay buhaton karong nibalik og saka ang mga kaso ug duna pa gyuy Delta variant nga mas daling makatakod.

Hunongon na unta sa mga tawo kining pagkamanggidudahon sa gobiyerno ug sa mga lokal nga kagamhanan nga hinimohimo lang kining Covid-19 aron makapangurakot o ba kaha tungod kay taliabot na ang eleksyon. Kinahanglang magpabakuna ug sundon ang minimum health protocols alang sa ilang kaluwasan.

DELTA VARIANT
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with