_banat
^

Banat Opinyon

Lipay lipay mahay mahay

LABTIK - Alan Domingo - Banat

Lisod kaayo pahinumduman ang tawo nga nakahinumdum na ug nasayod nang daan sa mga angayan ug dili angayang buhatan ilabi na niining panahon sa pandemiya.

Ang nahitabo sa lungsod sa Barili habagatang bahin sa lalawigan sa Sugbo nga nagdasok ang mga tawo sa usa ka resto bar nga wala gani magsul-ob og facemask, nahitabo na usab kini sa dakbayan sa Sugbo.

Ang hinungdan kay kalit kunong mibundak ang ulan ug nagpasilong ang mga tawo busa wala na makontrol ang mga tawo matod sa tag-iya.

Na-videohan ang maong violation nga nag-viral gani sa social media kay lagi mora’g anaa na sa normal nga panahon ang gihimo sa mga tawo.

Syaro og moulan diay mawagtang gyud ang facemask? Ngano man diay og nagdasok sila pero naka-facemask masabtan ra unta apan unsaon man nga naa may video ug dili pud mamakak ang video.

Nahinabi nako sa telepono ang tag-iya kinsa miangkon nga nakalapas sila sa protocol. Apan mipadayag nga basin na-set up sila og gituyo ang pag-video aron madaut ang ilang negosyo, possible gyud.

Busa magmatngon lagi nga dili makakita og buslot ang mga tawo nga dunay negatibong motibo sa negosyo. Aw, nilampos gyud kay napasirad-an man.

Matud ni Mayor Julie Flores nga dayag kaayong naay kalapasan sa IATF protocols ang kan-anan busa gimando niya dayon nga temporaryong pasirad-an.

Mihimo na usab og imbestigasyon ang kapolisan sa  nahitabo lakip sa ipatawag ang mga tawo nga nakuhaan og video ug ang video uploader nga maoy testigo.

Batasan sa tawo nga masobrahan sa kalipay mahikalimot na nga dunay tugbang nga pagmahay, ilabi na karon nga misaka og balik ang kaso sa COVID-19 ug pun-an pa sa hulga sa Delta variant.

Lipaylipay karob dayon sa kauwahian mahaymahay.

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with