_banat
^

Banat Opinyon

Pagka-badlongon baya gyud nato uy!

IYO ANTOY - Antolin dela Serna - Banat

Giingon nga nagsaka ang gidaghanon sa mga positive cases dinhi sa atong dakbayan.

Nagpasabot nga nagpabadlong na usab kita, ug miandar ang atong pagkagahi og ulo.

Sa record sa Cebu City Police Office (CCPO) nagpakita nga matag adlaw, aduna silay madakpan nga average 150 ka violators sa mga health standards. Sagad sa mga nadakpan mao ang mga curfew violators, ug kadtong wala magsul-ob og facemask. Nganong tuyuon mag gyud ang dili pagsul-ob sa face mask?

Pastilan, kasayon niining buhaton, kining paggamit og facemask, apan, ipasuwabi gyud nato ang atong pagkabalongon ug pagkagahi’g ulo.

Ngano man ni? Perhaps, ang uban nagsalig tingali nga tungod kay nabakunahan na, magpatuyang na lang sila sa buot nilang buhaton, i-disregard na lang ang mga health restrictions.

Si Police Lieutenant Colonel Wilbert Parilla, deputy city director for operations sa CCPO, sumala sa napatik sa The Freeman, nagkanayon: “Kinahanglan nga mobalik nasad ta sa atoang subsub gyud. Nagtuo nasab sila nga dili na matapdan once nga mavaccinan ka. So mao nay atoa na sab nga ibalik og awhag sa atoang katawhan nga bisan tuod og vaccinated na ta, dili na siya 100% guarantee nga dili ka matapdan.”

Bitaw, sa ato nang gibalikbalik dinhi ug sa ubang mga media outlets, ang pagpabakuna wala magsabot nga dili na kita matakdan. Mao nga miawhag si Parilla, nga gikinahanglan gihapon ang pag-amping ug pagtuman sa mga health standards bisan kon nabakunahan na.

Dugang niini, si Parilla namahayag nga ang Emergency Operations Center (EOC) implementor Joel Garganera, mibutysg nga aduna silay i-implement nga mga bag-ong policy mahitungod sa mga mass gathering lakip mga political rallies.

“So wala nay mga tapok-tapok nga pagabuhaton, even if this is a political rally, regardless og asa sila nga grupo. But they should ask permission sa EOC, kay ang EOC maoy mo-approve so dapat ilahang ilatag sa EOC ang ilahang mga lagda, or guidelines or proyekto sa ilahang pagtapok-tapok aron ma-evaluate sa EOC kung angayan bang i-approve or dili,” nagkanayon si Parilla.

So, maayo ning atangan. Unsaon sa mga politiko ang pagpangampanya kon estriktuhon na gayud ang pagdili sa mga mass gatherings. Unsaon ma ni nila, mag-house-to-house sila, kon i-regulate na gayud ang mga political rallies?

Wa na unyay mga bombastic nga mga pakigpulong, mga dagkung saad nga tumanon, at least during the campaign, kay tapus sa eleksiyon makalimtan na man kining tanan.  So, lahi na karon ang hulagway sa matang sa pangampanya niining panahon sa pandemic.

Akong usbon, limitihan na ang mga political rallies; wala nay lamanohay o pagpikpik sa abaga, igo na lang nga magpakawaykway sa kamut; ang mga kandidato dili na makagakus o maka-kiss sa mga bata; ug uban pang mga traditional o naandan nga matang sa pangampanya.

Maora’g mogara ang social media niini. Ug atong mapaabot ang pagdagsang sa mga fake news ug mga disinformation.

By the way, aniay alang kanatong taga-Guadalupe:  ‘’As of July 21, 2021, there have been 158 new cases of COVID-19 in Cebu City with Barangay Guadalupe still having the most number of cases at 19, among 80 barangays.”

Unsa na ni?

CCPO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with