_banat
^

Banat Opinyon

Sugod na gyud!

RENBOR PATROL - Rene U. Borromeo - Banat

Gipahibawo ni Senador Panfilo Lacson nga molansar siya pagka presidente sa nasud sa eleksiyon karong sunod tuig, ug ang iyang bise presidente mao si Senador Tito Sotto.

Tungod niini, gihimoan dayon sila og ngalan nga “LacSot.” Aw, kini hinuon si Lacson, makamao sab modumala sa nasud ug estrikto sa mga kahiwian.

Ang problema lang mao ang pagdaug sa eleksiyon kay milansar na baya ni siya pagka presidente kaniadto, ug wala siya modaug.

Si Lacson pa ang unang mipahibawo nga molansar siya pagka presidente ug gani, duna na siya’y katandem sa pagka bise.

Nahibaw-an na hinuon nga si Senador Manny Pacquiao gusto usab nga modagan pagka presidente sa nasud, apan mora’g wa pay gustong mag-bise kaniya.

Lahi kang Lacson, si Pacquiao gihulagway nga kuwang pa og kahibawo sa pagdumala sa atong nasud. Kon si Pacquiao ang mahimong presidente, ang iyang mga advisers maoy tinuod nga presidente.

Si Inday Sara Duterte nga maoy mayor sa Davao City gihulagway nga makamao, apan ang problema kay hangtud karon wa pa kini motando nga modagan sa pagka presidente.

Daghan na nga mga pundok sa lainlaing dait sa nasud nga nag-awhag kaniya nga molansar sa labing taas nga elective position sa kagamhanan, apan naniid pa.

Ang nakalahi sa sitwasyon ni Inday Sara kay pwerteng daghana nga gustong makig-tandem niya, samtang ang uban wa kaayo.

Gani miadto na sa Davao City sila si kanhi senador Bongbong Marcos, kanhi Defense Secretary Gilbert Teodoro, Senador Win Gatchalian ug uban pa.

Kini sila si Bongbong, Gibo ug Win Gatchalian pareho nga makamao sab. Pero, napanglantawan nako nga kon makumbinser man gyud si Inday Sara nga molansar pagka presidente, pilion gyud niya ang makatabang kaniya.

Buyno, atong paaboton ang kalamboan niining mao nga isyu.

* * *

Ang politika sa Dakbayan sa Sugbo, mora’g may kausaban. Kana kon madayon nga si Mayor Edgar Labella dili na molansar pagbalik sa katungdanan.

Gitan-aw man gud sa kadagkoan sa mga politikanhong grupo nga kaalyado sa PDP-Laban dinhi sa siyudad nga may sakit si Labella ug maluyahon na.

Tinuod, kapoy kaayo ang pagsuroy sa kabarangayan aron nga mohimo’g pangampanya. Gani, gipahibawo ni City Administrator Floro Casas nga lugwayan na usab sa mayor ang iyang sick leave.

Para kanako, mas bililhon ang pag-atiman sa panglawas mao nga ang ikatambag nako ni Mayor Labella nga mopahuway usa siya diha sa ospital aron maatiman ang iyang panglawas.

Sayod ko nga gusto gyud nga moserbisyo si Labella sa katawhan, apan unsaon nga may sakit na man siya, mao nga kinahanglan usa nga magpabaskog ka mayor.

PANFILO LACSON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with