^

Banat Opinyon

Managsamang barko lang ang atong gisakyan

MGA LAMAS SA KINABUHI - Fr. Rey Cui - Banat

Kini ang panahom sa uban sa dihang human sa kontrobersiyal nga paghigpit ni Papa Francisco sa paggamit sa Traditional Latin Mass. Nasayran nga imbis makadugang sa kahiusahan nahimo naman hinuon kining mitsa sa dugang pang kalagot ug pagka bahin bahin.

Ang mga pangutana sama sa: “Dili na ba diay kita Katoliko kondili na kita mosaulog sa Traditional Latin Mass? Gikinahanglan ba gyud kini? Ug uban pang mga pangutana mitumaw. Duna pay post sa FB nga nagkanayon: “Tradition is the Future!”

Kon sumadahon dilli mahimong ibalewala ang napapanunod nato gikan sa atong mga katigulangan gumikan lang sa gitawag natong kabag-ohan. Tinuod tumong sa atong kasamtangang papa ang kahiusahan apan sa mosugot ta ug sa dili, dili mahimong sabton ang kahiusahan ingon nga uniform. Dunay panultihon nga nagkanayon: Unum in Diversum. Unity in Diversity, lisud pud kaayo kondili atinanon ang sentiment sa kadaganan ug bisan man gani tingali sa minoridad.

Apan husto ang tubag nga bisan pa man kon ingon ini ang nahitabo natong tanan karon, mas makahuloganon nga dili gihapon kita mobiya sa susamang barko nga gisakyan sa Santo Papa. Kay kon tugotan nato kini nga mahitabo nan, mamahimong mas peligro pa hinuon nga malunod na lang gyud kita sa hingpit.

Ning maong krisis nga atong nasinati karon, mahinungdanon kaayo nga mamahimo kitang maghiusa sa kasingkasing ug hunahuna kay ning paagiha magkatinabangay kita nga maluwas dili lang ang atong tagsatagsa ka kalag kondili hasta na usab ang kalag natong tanan.

 Padayon natong iampo ang Santo Papa kun unsa man gani ang anaa sa iyang hunahuna ug pagbati karon. Atong iampo nga bisan pa man sa iyang limtasyon ug kahuyangan, mamahimong magiyahan unta niya sa husto ang atong simbahan.

Tinuod ba kaha ang sugilanon nga nagkanayon nga ang simbahan dauton ug tumpagon mismo sa sulod? Sa akong bahin, makinaalamon dako uyamot ang pagtahud sa tradisyon, walay labaw sa duroha ka rito hinunoa, managsama silang magdala kanato sa Ginoo.

Kun asa dapita komportable nan, adto ka didto. Ang mahinungdanon nga walay sayop sa doktrina ug unta taliwala ning mga hitaboa karon, magpabilin pa untang essential ang simbahan karon.

Hinaut pa unta!

MASS

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user