^

Banat Opinyon

Requiescat in Pace TLM?

MGA LAMAS SA KINABUHI - Fr. Rey Cui - Banat

Dili pa lang dugay gihimong mas higpit ang pamaagi ni Papa Francisco kalabot sa Traditional Latin Mass. Sa akong pagsabot, ang Extraordinary Form nga Ordinary sulod sa pipila na ka mga siglo ang niagi og daghan kaayong kalisdanan. Kinahanglang mananghid pa sa obispo ug ang obispo kinahanglang mananghid o mopahibawo sa Vaticano.

Daghan kaayo ang nialma niini. Tumong ug tuyo ni Francisco mao man ang pagpalig-on sa gitawag niyang kahiusahan. Mao nga mas maayo tingali alang niya ang paghatag og emphasis sa Novus Ordo nga maoy gi-implementar human sa Segundo Vaticano nga Konsilyo.

Matud pa ni Cardinal Arinze dili lang ni mahitungod sa Latin. Ang pinulongang Latin dili man ang suliran. Ang suliran anaa sa mga tawo nga dunay bias niini. Ma Ordinary or Extraordinary Form, managsama man silang abyan padulong ngadto sa Dios. Ug labaw sa tanan walay labaw niining duroha ka mga rito. Managsama sila sa dignidad.

Hinuon dunay maayo ug dili maayo. Kini naglangkob:

1. Sa Traditional Latin Mass, nahimong mas Relax ang pagsaulog nato niini. Dili magdalidali, pinahimutang ug fixed. Hinuon lisud lang gyud ang Latin tungod kay bisan kun kini ang Pinulongan sa Simbahan, di man gyud hinuon masabtan sa kadaghanan. Hinuon dili pud kini suliran kay anaa man pud ang mga tamdamanan.

2.  Sa Novus Ordo masabtan tuod apan dunay mga abuso nga mahitabo. Sa ngalan sa gitawag nilang Inculturation daghan man ang nihimo og mga creative moves nga dakong supak sa balaod nga liturhikanhon.

Ang kamingaw nga mahibalik sa naandan nga dagway sa Simbahang Katoliko, lisod na gyud tingali nga mahitabo. Sa kabag-ohan karon nga daghang mga tawo ang nagdali, mahimo ba kahang mahibalik kining maong tinguha? Ang mahinungdanon mao nga saulogon ang Misa sa maampoong paagi ma Novus Ordo man o ang Traditional Latin Mass.

Ang Ad Orientem, diin ang tanan mag-atubang sa altar ug sa Tabernakulo, dili man usa ka kinaraan lamang nga rubric kondili ang pagpahigmata sa kamatuoran nga walay laing atubangon diha sa pag-ampo kondili ang Dios. Ang Misa dili mahitungod sa pari, ang Misa mahitungod sa Ginoo.

MASS

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with